Charter Document - 02360717

Universis presentes litteras inspecturis G decanus totumque capitulum Senon ac Albericus Cornuti thesaurarius Senon salutem in omnium Salvatore Notum facimus quod cum inter nos decanum et capitulum predictos ex una parte et nos thesaurarium predictum ac etiam plures predecessores nostros thesaurarios Senon a longis temporibus retroactis contentio controversia seu discordia mota fuisset super eo quod nos decanus et capitulum predicti petebamus partitionem fieri seu divisionem de pueris seu liberis procreatis ab hominibus nostris et hominibus dicti thesaurarii matrimonialiter copulatis Nos vero thesaurarius ex ad verso dicebamus et plures predecessores nostri dixerant quod quandocumque homines Thesaurarie Senon quibuscumque aliis hominibus sive essent homines ecclesiarum sive comitum baronum aut militum vel etiam cujuscumque alterius matrimonialiter copulabantur et ex hujusmodi matrimoniis liberi procreabantur nullus partitionem habebat nobiscum Immo omnes et singuli liberi sive a viris sive a mulieribus hominibus Thesaurarie Senon cum quibuscumque matrimonialiter junctis procreati proprii homines thesaurarie Senon totaliter remanebant et remanere debebant Nec debebat aut poterat quicumque alius dominus in taliter procreatis partem aliquam reclamare nobis decano et capitulo replicantibus et dicentibus quod licet revera alie ecclesie seu persone extranee in casibus prenotatis partitionem liberorum cum thesaurario non haberent nos tamen eam habere debebamus quia Thesauraria Senon est membrum nostre ecclesie membrumque corpus suum non debet ledere sed juvare et liquidissime apparet quod si homines nostri matrimonio copularentur suis et de liberis exinde procreatis inter nos et ipsum thesaurarium non esset facta particio nos et ecclesia nostra in hoc enormiter lederemur Tandem deliberato utrinque consilio pensatis et consideratis omnibusque tam nos decanum et capitulum quam nos thesaurarium predictum super predictis movere poterant et debebant ad pacem et concordiam devenimus in hunc modum in primis ordinatum est quod de cetero homines Capituli cum hominibus thesaurarii seu Thesaurarie Senon libere matrimonialiter copulabuntur seu poterunt quandocumque voluerint matrimonialiter copulari et e converso Item ordinatum est quod fiat particio de liberis ex hominibus nostris scilicet Capituli et hominibus nostris scilicet thesaurarii in matrimonio procuratis ita tamen quod stipiter capita seu les souches qui nunc sunt sive viri sive mulieres Thesaurarie et nobis thesaurario tanquam nostri homines proprii totaliter remanebunt Item de cetero de decennio in decennium liberi seu pueri ab hominibus capituli et hominibus thesaurarii in matrimonio procreati inter capitulum nomine ecclesie Senon et thesaurarium nomine predicte Thesaurarie in modum qui sequitur partientur videlicet quod de qualibet familia seu progenie sic procreati Capitulum capiet unum primo et eliget quem voluerit Et postmodum thesaurarius eliget et capiet alium et sic deinceps quamdiu erit paritas puerorum in familia illa Et quotienscumque fiet particio sive nunc sive alias in qualibet familia seu progenie si quis vel que impar fuerit thesaurario totaliter remanebit Et ad thesaurarium nomine dicte Thesaurarie tanquam homo suus vel sua totaliter pertinebit Quam quidem ordinationem tam nos decanus et capitulum quam nos prefatus thesaurarius ratam et gratam habentes eam volumus et quantum in nobis est laudamus ac etiam approbamus et pro nittimus stipulatione sollempni eam imperpetuum firmiter et inviolabiter observari Pro quibus premissis firmiter observandis nos decanus et capitulum predicti nos et successores nostros et ecclesiam Senon bonaque nostra et dicte ecclesie dicto thesaurario specialiter obligamus nosque thesaurarius predictus similiter nos et successores nostros thesaurarios Senon bonaque nostra et successorum nostrorum ac etiam thesaurarium Senon dicto capitulo propter hoc specialiter obligamus Renunciamusque tam nos decanus et capitulum quam nos thesaurarius omni auxilio juris et consuetudinis omni exceptioni deceptionis circumventionis omnique deffensioni per que seu per quas posset dicte pacis ordinatio retractari seu in aliquo impediri In cujus rei testimonium et munimen nos decanus et capitulum ad petitionem dicti thesaurarii nosque thesaurarius ad requisitionem capituli sigilla nostra presentibus litteris duximus apponenda Actum anno Domini millesimo ducentesimo octogesimo tertio die veneris post octabas Penthecostes