Charter Document - 02360714

Universis presentes litteras inspecturis nos Guillelmus miseratione divina Autiss episcopus et nos homines et femine de Giiaco ac nos homines et femine dicti domini episcopi de villis et locis de prepositura de Giiaco existentes et preposito de Giiaco respondentes videlicet Johannes filius Maioris Lambertus frater ejus [] Notum facimus nos homines predicti quod nos considerantes ex una parte quod licet rectam et integram decimam fructuum et proventuum terrarum et prediorum nostrorum infra fines decimacionis de Giiaco existentium quam decimam ad dominum episcopum Autissiod nomine ecclesie sue Autissiod recognoscimus pertinere eidem domino episcopo persolvere teneamur nos tamen in nostrarum animarum periculum ita modicam partem fructuum predictorum eidem domino episcopo hactenus persolvimus et persolvere consuevimus quod illam tricesimam partem aut quadragesimam et quanquam quinquagesimam non attingit attendentes etiam ex alia parte quod predia nostra predicta adeo parum sunt fertilia quod si nos illam rectam et integram decimam ad ejus solutionem de jure tenemur eidem domino episcopo persolveremus quod fructus ex dictis prediis collecti et percepti qui per industriam alicujus possint colligi et percipi ex eisdem non possint equiparari mifactis causa parandorum percipiendorum et colligendorum fructuum et terre seminibus commandatis quinimo expense predicte cum semine in multo excederent fructus sic collectos et perceptos supplicavimus eidem domino episcopo qui noster est dominus temporalis et qui nostrarum curam habere dignoscitur animarum ne ipse fructuum et proventuum predictorum vicesima parte contentus nos vellet quittare et absolvere a solutione recte et integre decime supradicte Quia igitur dictus dominus episcopus ob causas predictas et forte alias a prestacione seu solutione recte et integre decime fructuum et proventuum terrarum et prediorum nostrorum infra fines decimacionis de Giiaco existentium nos absolvit dumtamen vicesimam prout dictum est eidem solveremus Nos homines et femine de Giiaco de villis et locis predictis homines ipsius domini episcopi actendentes quod si dictam vicesimam minus sufficienter aut minus integraliter eidem solveremus aut si in modo solvendi fraudem aliquam faceremus quod hoc in nostrarum animarum periculum redundaret volentes nostris animabus consulere in hac causa publice recognoscimus pro nobis heredibus successoribus et posteris nostris nos ac heredes successores et posteros nostros et quoscumque a nobis causam habentes ex nunc in antea teneri domino Autiss episcopo suisque successoribus nomine ecclesie Autiss et ex causis predictis ad integram vicesimam fructuum et proventuum nostrorum omnium inferius nominatorum Et promittimus ex nunc in antea et solvere tenemur singulis annis dicto domino episcopo vel ejus mandato suisque successoribus nomine ecclesie Autiss imperpetuum et integraliter vicesimam partem bladi vini leguminum ceparum alliorum canabilium et omnium aliorum fructuum nostrorum Illis tamen ceppis et aliis exceptis quod ad usus nostros cothidianos faciemus exceptis etiam inferius nominatis sub modo et formis infrascriptis videlicet quod omnium fructuum nostrorum excepta vicesima vini in terra ubi crescent integre vicesimam partem dictorum fructuum collectoribus a domino episcopo vel ejus mandato deputandis sine fraude solvere tenebimur prius tamen denunciacione facta ipsis collectoribus et ipsis ad hoc sufficienter vocatis ut veniant ad videndum numerum rerum seu fructuum de quibus vicesimam partem solvere nos tenemur et ad recipiendam predictam vicesimam de eisdem Ita tamen quod si dicti collectores non veniant sic vocati ad videndum res predictas seu ad recipiendam vicesimam de eisdem quod ex tunc sine meffacere et sine aliqua emenda quilibet nostrum in terra ubi crescent fructus predicti posset rectam vicesimam dimittere sub testimoniis messorum vel gerbas ligancium seu aliorum fidedignorum ibidem existencium Ita tamen quod [] Nos autem predictus episcopus attendentes quod homines nostri predicti de Giiaco de villis et locis predictis solvendo loco et vice recte decime vicesimam partem fructuum et proventuum suorum prediorum supra nominatorum eo modo et forma qui superius sunt expressi adeo seu in tantum sunt gravati in quandum alii nostri homines plurium villarum nostrarum et locorum gravantur qui nobis rectam et integram persolvunt decimam suorum fructuum et proventium prediorum consideratis condicionibus sterilitatibus seu parvis fertilitatibus terrarum vinearum et aliorum prediorum de Giiaco et conditionibus majoribus que sterilitatibus terrarum vinearum et ceterorum prediorum aliarum villarum seu locorum in quibus decimationem nos habemus attendentes insuper quod quanto predicti homines nostri pluribus et majoribus gaudebunt libertatibus quantoque paucioribus et minoribus redibentiis seu oneribus subjacebunt quod tanto plures meliores et diciores confluent ad nostram villam de Giiaco predictam et tanto plus inhabitabitur ab eisdem per quos meliorabitur et meliorari debebit condicio ville nostre de Giiaco predicte sicque per consequens multum ex hoc ecclesie nostre Autissiod major utilitas poterit pervenire cum multum ecclesiarum utilitas procuretur si habeat plures locupletos subjectos utilitatibus ecclesie nostre Autissiod pensatis ex causis predictis ad quas providendas inter nostras episcopalium sollicitudines debet esse nostra cura precipua et ad quietem nostris subditis preparandam affectentes eciam ab ipsis hominibus nobis subjectis plus diligi quam timeri eisdem hominibus nostris de Giiaco de villis et locis predictis eorumque heredibus successoribus et posteris dilectorum filiorum nostrorum decani et capituli nostre ecclesie Autissiod ad hoc accedente assensu libertates concedimus consuetudines redibencias seu onera renunciamus infrascriptas In primis quia omnes homines jure naturali inspecto gaudere debent privilegio libertatis ac inter ceteros fidei christiane ministros Ecclesia utpote mater omnium fidelium privilegium libertatis non solum tenetur concedere sed eciam ab aliis Christi fidelibus concessum protegere et tueri juxta sacrorum canonum instituta ac legum secularium legitimas sanctiones ipsis hominibus nostris de Giiaco et omnibus aliis nostris hominibus de prepositura de Giiaco existentibus et preposito nostro de Giiaco subjectis videlicet de Valan parvo Valan magno Vallibus Campis Trebenay Jussiaco Mijeto Crusiaco Mofiaco Charenteneto et Corcione extra castrum Ermeriaco La Chasseigne Molomus Champou Milliaco Extraleer Arci Vaci Tangiaco Monputois Petraficta Oanna Fontenelles Bonon Merrissico Pestaul Prunerello Cheriaco Avignello burgo de Druya et de Sementerone eorum heredibus successoribus et posteris quandam consuetudinem que vulgariter manus mortua appellatur quam in predictis nostris hominibus de Giiaco de villis et locis predictis habebamus remittimus et quictavimus sub modo et forma inferius annotatis videlicet quod omnia bona mobilia et immobilia predictorum hominum nostrorum in predicta villa de Giiaco villis et locis predictis decedencium que ad nos ante quictacionem istam racione manus mortue devenire solebant ex nunc in antea per legitimam excasuram ad propinquiorem seu propinquiores de genere taliter decedentes sine difficultate ac perturbacione aliqua nobis vel successoribus nostris eis facienda seu inferenda et absque ullo interventu pecunie libere deveniant et quiete dictique homines et femine heredes successores et posteri de villis et locis predictis quandocunque voluerint libere recedant et libere revertantur Ita tamen quod si aliqui de ipsis nati vel manentes apud Giiacum aut apud villas et loca predicta commorantes de predictis villis et locis recesserint et se transtulerint ad aliam villam ubi habemus manum mortuam ibidemque mansionarii decesserint sine herede de proprio corpore existente in patria potestate ipsi erunt de manu nostra mortua quantum ad bona que habebunt in omni loco in quo habemus manum mortuam sicut alii homines nostri manentes et decedentes ibidem sed alia bona sua que possidebunt tempore mortis sue apud Giiacum loca et villas predicta transibunt per legitimam excasuram ad propinquiorem seu propinquiores de parentela sua ubicumque fuerint manentes Si vero eis sic recedentibus vel heredibus eorumdem apud Giiacum in justicia et dominio nostro vel alia loca predicta redire placuerit et ibidem manentes decesserint predictam franchisiam et libertatem obtinebunt et habebunt integre quam cum ad alia bona que habebunt apud Giiacum vel apud villas et loca predicta sed illa bona que haberent tempore mortis sue in loco ubi habemus manum mortuam sine herede in patria potestate existente decederent ut dictum est nobis quite et libere remauerent Si autem excasuram aliquam seu eschetam evenire contigerit que ab aliquo qui se heredem legitimum probare potuerit non fuerit requisita eam reservabimus per annum et diem in manu nostra Et si infra annum et diem quis apparuerit sub cujuscunque dominio existat et se heredem legitimum illius a quo evenerit dicta excasura vel escheta probaverit dictam excasuram seu eschetam sine difficultate qualibet et absque ullo interventu pecunie libere et integraliter ei deliberare tenebimur si vero nullus apparuerit heres legitimus decedentis completis anno et die predictis dicta excasura vel escheta nobis quiete et libere remanebit nisi sit minor annis vel absens ex justa causa sine culpa sua quam causam absens probare tenebitur si admitti voluerint ad excasuram predictam Item talliam quam predictis hominibus nostris de Giiaco vel de villis et locis predictis possumus facere seu imponere ad voluntatem nostram alto et basso temporamus in hunc modum homines omnes nostri predicti loco dicte tallie singulis annis nobis reddent et solvere tenebuntur centum libras tur tantummodo ad quemque statum villam nostram de Giiaco contigerit devenire sive jus nostrum in dicta villa per aliquem contractum a nobis vel successoribus nostris celebratum aut celebrandum augmentatum seu eciam diminuatum Quas centum libras nobis solvent predicti homines nostri in hunc modum singulis enim annis eligentur tres viri probi et ydonei de villa de Giiaco ex parte hominum predictorum et tres alii de eadem villa ex parte nostra vel mandati nostri qui jurati in presencia nostra vel mandati nostri de dicta summa centum libr consideratis viribus et facultatibus hominum de Giiaco de villis et locis predictis cuilibet juxta facultates suas in presencia nostra vel mandati nostri porcionem congruam assignabunt et per se vel per alios fide dignos levabunt seu levari facient cum dictorum hominum sumptibus et expensis portionem seu partem cuilibet assignatam presente mandato nostro et gagiante auctoritate nostra si necesse fuerit quousque de dicta summa centum libr nobis ad plenum fuerit satisfactum Ita tamen quod si dictos homines de Giiaco discordare contingat in eligendos tres viros ydoneos ut dictum est illi tres qui erunt electi ex parte nostra soli cuilibet assignare poterunt congruam porcionem et levare seu levari facere prout superius est expressum fiet autem per eos qui electi fuerunt ut dictum est predicta taillia centum libr singulis annis infra octabas Sancti Remigii et solventur nobis de predicta summa sexaginta libre infra festum Purificacionis Beate Marie et quadraginta libre residue infra Resurrectionem Domini immediate sequentem Item omnes terras quas predicti homines nostri de Giiaco et alii tenent et ante quitacionem istam tenebant a nobis ad censivam in territorio seu finagio decimacionis de Giiaco eis et heredibus successoribus eorum et posteris quibuscunque ad rectum censum portentes laudes et ventas ponimus et concedimus Ita quod de quolibet arpento dicte terre sex denarios censuales tantum prout de aliis terris que non sunt seu erant ad terciam et in termino quo census aliarum terrarum consueverunt persolvi necnon et vicesimam fructuum dictarum terrarum secundum quod superius est expressum nobis et successoribus nostris imperpetuum solvere teneantur et quod omnibus consuetudinibus et redibenciis subjaceant quibus alie terre subjacebant et subjacent consuales Item quod dicti homines de Giiaco villis et locis predictis de quibuslibet arpentis vinearum que habebant in finagio seu territorio decimacionis de Giiaco nobis solvebant duodecim denarios quorum sex nomine recti census et alios sex nomine decime persolvebant dictos sex denarios quos nobis nomine decime persolvebant eis et heredibus et successoribus eorumdem remittimus et quictamus necnon vicesima predicta nobis solvenda modo et forma predictis volentes esse contenti eos heredes successores et posteros eorum a prestacione recte et integre decime absolvimus et quictamus Item omnes corveyas et coustumas gallinarum quas ante quictacionem istam nobis debebant eisdem remittimus nobis avenarum coustumas specialiter et expresse retinentes Item emendas forefactorum de sexaginta solidis ad quinque et emendas de quinque solidis ad duo decim den reduximus exceptis emendis de quinque solidis in quas inciderint dicti homines pro vicesima non soluta aut pro fraude commissa in eadem prout superius est expressum hoc et nobis salvo quia si nobis baillivo nostro prepositis servientibus nostris aut alicui de franchisia nostra fuerit aliqua violencia seu injuria dicta illata vel facta a dictis hominibus nostris de Giiaco vel ab hominibus de villis et locis predictis illas in nullo volumus resecare sed eas levare poterimus sicut ante quictacionem istam consuevimus exigere et levare Item quod dicti homines qui citabantur coram baillivo nostro preposito seu prepositis nostris de Giiaco vel mandato nostro pro sola citacione antea solvebant emendam sive confiterent sive negarent quod patebantur ab ipsis eisdem hominibus et eorum successoribus condemnati ad ullam emandam teneantur si citati confessi fuerint quod petitum ab eisdem et satisfecerint in termino sibi a judice prefigendo Si vero citati coram baillivo preposito aut mandato nostro negaverint quod ab eis petitur aut de confessato coram ipsis non satisfecerint in termino eisdem per judicem assignato et querimonia de illo confessato coram judice iterum predicti homines ad emendam solitam tenebuntur videlicet confessatus ad duodecim denarios aut negociis convictus aut defficiens ad tres solidos Item pro contractu vel debito alicujus confessato vel probato nullus dictorum hominum apud Giiacum vel alibi a nobis vel mandato nostro detineatur nisi tunc demum concernimus assignatus ad solvendum debitum confessatus vel probatus elapsus fuerit si tunc liber poterit detineri nisi de bonis debitoris possit satisfieri creditori in quibus bonis saisiendis vel eciam detrahendis aut detinendis nullum impedimentum aut calumpniam ponet debitor quominus possit satisfieri creditori Et si ponetur ex hoc incideret in emendam et posset nichil detineri Si vero pro furto raptu seu homicidio aut alio delicto quod mortem vel membri mutilacionem requerit aliquis convictus vel confessus vel in presenti captus aut multum suspectus seu publice diffamatus seu accusatus fuerit poterit incarcerari et in custodia detineri quousque per jus condempnatus fuerit seu etiam liberatus hoc tamen adhibito moderamine quod si accusator levis opinionis et accusatus bone fame fuerit poterit judex taliter accusatum recredere sub ydonea caucione inspecta personarum et negocii qualitate et eciam si quis dictorum hominum baillivo preposito vel alio pro baillivo seu preposito sedente pro tribunali coram ipso vel coram mandato nostro in curia nostra dicto judici vel alio injuriam fecerit seu dixerit poterit libere detineri donec emendaverit competenter et in causa emendam levare volumus prout consuevimus exigere et levare Item volumus quod quicumque de cetero erit prepositus de Giiaco jurare teneatur si super hoc fuerit requisitus quod omnia nomina illorum qui venerint in burgesiam ville nostre de Giiaco significabit illis qui ad imponendum tailliam fuerint deputati et quod ab aliquo veniente ad dictam burgesiam ultra duodecim denarios non exiget nec capiet nisi ex pura gracia dictus burgensis dicto preposito voluerit plus donare Volumus autem et concedimus predictis hominibus heredibus successoribus et posteris quod si ipsi vel res eorum nostra seu successorum nostrorum occasione capti fuerint vel detenti nos et successores nostri cum sumptibus nostris ipsos et res ipsorum cum dampnis pro posse nostro reddi faciemus et liberari Et si alia de causa capti fuerint ipsos et res ipsorum pro posse nostro faciemus prout consuevimus liberari Item volumus et eisdem hominibus nobis de hoc supplicantibus concedimus quod si aliquis vel aliqua emancipatus vel emancipata fieret et locum suum per se tenens commodum suum et incommodum faciens qui vel que successioni parentum vel alterius eorumdem parentum non renunciaverit expresse viventibus parentibus vel altero ipsorum decedat cum herede de suo corpore parato ille heres vel heredes si plures sive succedat vel succedant parentibus vel alteri eorum qui primo decedet una cum aliis liberis dictorum parentum loco patris sui defficienti vel matris sue deffuncte dumtamen ea que pater suus vel mater sua habuerunt a parentibus velint an communi cum parentum liberis reportare In personis autem et rebus omnibus mobilibus et immobilibus dictorum hominum de Giiaco de villis et locis predictis necnon in personis liberorum successorum et omnium posterorum hominum eorumdem omnimodam justiciam magnam et parvam altam et bassam census roagium coustumas avenarum servicia consueta necnon prestaciones et omnia alia jura corporalia et incorporalia personalia que et quas nos et predecessores nostri hactenus habuimus et habere consuevimus prout habuimus et habere consuevimus in omnibus bonis et rebus ipsorum qui non sunt per presentem cartam remissa quictati diminuati vel immutati integre perpetualiter et expresse nobis salva in omnibus et per omnia retinemus Pro omnibus autem et singulis supradictis firmiter conservandis et tenendis et specialiter pro vera vicesima et taillia annis singulis prout superius dictum est persolvendis nos homines et femine de Giiaco et de villis et locis predictis obligamus dicto domino Autissiod episcopo et ejus successoribus omnes terras vineas et predia de quarum quorumve fructibus vicesimam solvere promisimus prout superius expressum Et predictas possessiones terras vineas et predia ad dictam vicesimam persolvendam omnia premissa eciam omnia et singula pro nobis et heredibus nostris quibuscunque per juramenta ad sancta Dei evangelia corporaliter prestita integre et inviolabiliter implere tenere et observare promittimus Et quia sigillum proprium non habemus rogavimus venerabilem virum officialem Senon in persona Johannis de Milliaco tabellionis curie Senon ad hoc specialiter missi a dicto officiali ut sigillum curie Senon presentibus apponat una cum sigillis predicti domini Autissiod episcopi et vener virorum decani et capituli Autissiod in testimonium premissorum [] Nos vero Guillelmus episcopus Autissiod predictus bona fide promittimus omnes et singulas libertates predictas tenere servare et contra non venire ad quas tenendas et servandas nos et successores nostros obligamus Et ut premissa robur obtineant nos Guillelmus episcopus et nos decanus et capitulum Autissiod sigilla nostra una cum sigillo dicti officialis Senon presentibus apposuimus in testimonium veritatis Actum quantum ad nos anno Domini MCC octogesimo tercio mense februario Actum quantum ad homines presentibus Johanne de Orsio clerico auctoritate sacro sancte romane Ecclesie publico notario vener viro Drocone de Sancto Mederico cantore Varziacensi Gueniguo presbytero curato de Giiaco episcopi Johanne capellano ejusdem curati Girardo clerico dicti curati Jacobo de Vallibus et Guillelmo de Passu laicis anno et mense predictis die dominica qua cantatur Invocavit videlicet die Brandonum