Charter Document - 02360712

Universis presentes litteras inspecturis Johannes Cornuti archidiaconus Senon in Domino salutem Notum facimus universis quod cum contentio verteretur inter religiosas mulieres abbatissam et conventum de Pomerio ex una parte et communitatem ville de Vertilliaco ex altera super pasturagio quod se habere dicebant dicte religiose pro animalibus suis in usuariis et pasturis dicte ville de Vertilliaco dicta communitate asserente dictas religiosas nullum jus in predictis pasturis habere tandem Galterus presbiter procurator monasterii de Pomerio ut dicebat et Petrus dictus Viarde ac Felisius dictus Rex procuratores ut dicebant communitatis ville predicte coram nobis personnaliter constituti nomine procuratorio voluerunt et consenserunt videlicet dictus presbiter pro dicto monasterio et dicti Petrus et Felisius pro dicta communitate quod nobiles viri Petrus de Serginis et Guido de Florigniaco milites super dicta contentione inquirant diligenter veritatem qua inquisita voluerunt et consenserunt dicti procuratores nomine procuratorio quod ipsi milites dictas partes si possint ad concordiam super predictis reducant et pacem faciant inter partes Si autem dictas partes ad concordiam super predictis reducere nequiverint ipsi procuratores nomine procuratorio voluerunt et consenserunt quod inquesta seu inquisitio per ipsos milites facta super dicta contentione tradatur baillivo Pruviniensi Et quod dictus baillivus per inquestam seu inquisitionem factam per dictos milites jus reddat partibus antedictis super discordia supradicta et quod dictum jus faciat inviolabiliter observari In cujus rei testimonium sigillum nostrum presentibus litteris duximus apponendum Actum anno Domini MCC octogesimo secundo die jovis ante festum Omnium Sanctorum