Charter Document - 02360700
| Charter Number: | 02360700 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1278 - 1279 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis Martinus Senon ecclesie thesaurarius domini regis Francie illustris capellanus in Domino salutem Notum facimus quod cum nobis datum esset intelligi ex relatione plurimorum quod quando nostri homines et femine ratione thesaurarie nostre matrimonialiter copulabantur cum aliis hominibus et feminabus domini regis vener virorum decani et capituli ecclesie Senon vel aliorum quorumcunque hominibus et feminabus et exinde liberi procreabantur nullus nobiscum partiebatur sed proprie nostre ratione thesaurarie nostri remanere debebant super hiis multociens inter predecessores nostros dicte ecclesie thesaurarios et quosdam alios fuisset ut intelleximus diucius altercatum nos altercationi hujusmodi finem imponere cupientes cum plures suis hominibus et feminabus inhibere dicerent ut ipsi cum nostris hominibus et feminabus se matrimonialiter copularent propter quod nobis et thesaurarie nostre dampnum non modicum ac periculum animarum credimus imminere idcirco bonorum freti consilio domino regi decano et capitulo Senon et omnibus aliis quibuscunque sponte concedimus et provide quod de cetero sui homines et femine cum hominibus et feminabus nostris matrimonialiter possint libere copulari ita quod liberi sive pueri ab hominibus et feminabus procreati et imposterum procreandi dividantur secundum patrie consuetudines et statuta seu etiam partiantur inter nos et illos quorum homines et feminas nostris matrimonialiter de cetero contigerit copulari In quorum omnium testimonium et munimen presentes litteras sigilli nostri munimine duximus roborandas Datum Parisius die veneris post Brandones anno Domini MCC septuagesimo octavo