Charter Document - 02360698
| Charter Number: | 02360698 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1278 |
| Date type: | Internal, A.D. |
| Resource Link(s): |
|
Charter:
Ego Milo dominus Noeriorum et ego Maria de Creciaco uxor sua notum facimus universis presentibus et futuris presentes litteras inspecturis quod nos pro negotiis nostris utiliter gerendis et expediendis vendidimus et nomine venditionis in perpetuum pro nobis et heredibus nostris concessimus et quitamus absque ulla retentione religiosis viris abbati et conventui Pontiniac nomine ipsorum et monasterii Pontiniac villam nostram de Solliaco sitam in diecesi Autissiod et omne jus quod habebamus in dicta villa et in pertinentiis ejusdem vel habere poteramus aut debebamus aut habere expectabamus tam in hominibus talliis costumis censibus quadam consuetudine que manus mortua vulgariter appellatur quam habebamus in dicta villa et in hominibus et feminis nostris commorantibus in eadem et in adjacentiis pertinentiisque ejus jure justicia alta et bassa dominio nemoribus pratis vineis terragiis terciis abonnagiis furnis feodis et retrofeodis ad nos ratione dicte ville pertinentibus vel que possunt et debent pertinere ceterisque reditibus et emolumentis quibuscumque omnia predicta tenenda et libere possidenda sicut eis a nobis limitata sunt et ostensa ab ipsis et successoribus suis nomine monasterii Pontiniac in francum allodium et penitus amortizata pro quadringinta libris tur nobis quitis et integraliter solutis in pecunia numerata a dictis religiosis promittentes quod omnia predicta et singula dictis religiosis [] erga omnes garantizabimus et defendemus quita et libera ab omni onere pensione obligatione servitio servitute feodo retrofeodo et omni alia qualibet exactione seu reddeventiis quibuscunque volumus etiam et concedimus nostro et heredum nostrorum et successorum nomine quod excellentissimus rex Francie ballivi prepositi vel servientes ipsius nos et heredes et successores nostros per captionem servitionem et detentionem omnium bonorum nostrorum mobilium et immobilium presentium et futurorum cujus jurisdictioni et potestati nos et heredes nostros et successores nostros et omnia bona nostra et heredum et successorum nostrorum expresse et immediate supposuimus nos compellant ad observandum et complendum premissa et quodlibet premissorum [] Et ut ista rata et firma in perpetuum maneant nos Milo et Maria predicti presentes litteras sigillorum nostrorum munimine fecimus roborari et eas predictis religiosis tradidimus in signum et animo omnem possessionem proprietatem et dominium rerum predictorum in eosdem transferendi Datum anno Domini millesimo ducentesimo septuagesimo octavo mense octobri