Charter Document - 02360697
| Charter Number: | 02360697 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1277 - 1278 |
| Date type: | Internal, A.D., Feast |
| Resource Link(s): |
|
Charter:
Excellentissimo domino suo Philippo Dei gratia regi Francorum illustri devoti ejus et sui semper assidui oratores H decanus totumque capitulum Autissiod ecclesie salutem et cum inclinato famulatu quicquid decet dominum atque regem Cum ecclesie nostre sedes episcopalis vacet ad presens per translationem reverendi patris Erardi Dei gratia quondam episcopi nostri nuper promoti seu assumpti in cardinalem episcopum Prenestin seu per mortem ipsius paucis diebus postmodum subsequtam nolentes ecclesiam nostram diu manere pastoris regimine destitutam dilectos et fideles concanonicos nuncios et procuratores nostros magistros Odonem de Verzeliaco et Stephanum sacristam exhibitores presentium ad regie majestatis presentiam destinamus pro nobis eligendi licentiam juxta morem regni petitores a vobis dominationi vestre humiliter supplicantes quatinus nobis per eosdem procuratores predictam eligendi licentiam concedatis Datum anno Domini MCC septuagesimo septimo die jovis in Cena Domini