Charter Document - 02360696

Je Johanz sires de Valéri fais à savoir à touz céans qui verront cestes presentes lestres que je ai vendu et octreié et quicté perdurablement à noble dame à Agneis dame de Borbon et à ses hors por trois cenz livres de torneys desquex je ai eu et receu de la dite dame paye plenière et entière en deniers contez la ville de Symeaustre et la ville de Monteignic tel droiture com je i avoie ne poée avoir et toutes les choses que je avoie entre Aler et Séoule les quex choses sont dou fié à la dite dame de Borbon et toute justise grant et petite des choses devant dites Et ai promis et juré à tenir et garder la dite vende et que je n'irai encontre por moi ne por autrui encors garentiré et défendré à la dite dame et à ses hers les dites choses vers touz homes Et de celles choses dessus devisées je me sui desvestiz et en ai vesti la dite dame et ai obligé en la main à la dite dame de Borbon touz mes biens moubles et non moubles à tenir la dite vende Ou tesmoing de laquel chose je ai sce[lés] ces présentes lestres de mon seaul et ai requis à noble baron à Hugue duc de Bergoigne que il metet son séaul en cestes présentes lestres aviaul lou mien seaul Et nos Hugues dux de Bergoigne à la requeste dou dit seignor de Valeri avons mis nostre séaul en cestes présentes lestres Ce fut fait en l'an de Grâce mil et deux cenz et sexante et sept au mois de févrer