Charter Document - 02360695
| Charter Number: | 02360695 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1277 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis officialis Senon in Domino salutem Notum facimus quod coram nobis constituti Stephanus dictus Guigniez de Varoilliis et Benedicta ejus uxor dicentes et asserentes quod cum dictus Stephanus esset homo de corpore tailliabilis et explectabilis alto et basso religiosorum virorum abbatis et conventus Sancti Remigii Senon recognoverunt quod prefati religiosi ipsum Stephanum divine pietatis intuitu et de bonorum consilio predictum Stephanum et ejus heredes manumiserant liberaverant et quitaverant ab omni onere servicio et servitute que et quam ipsi religiosi habebant et habere poterant in predicto Stephano ratione persone dicti Stephani abonaveruntque dictos Stephanum et Benedictam et eorum heredes de propriis corporibus suis procreandis ad tres sol paris annue abonationis quos tres sol par annue abonationis predicti Stephanus et ejus uxor et eorum heredes de suis propriis corporibus procreandi postquam ipsos heredes matrimonium et advoeria amoverit prefatis religiosis annis singulis reddere et solvere tenebuntur apud Vareillias in festo Sancti Remigii cum quinque sol pro emenda si ipsi defectum fecerint in solutione abonationis antedicte in terminum antedictum Ita tamen quod prefati Stephanus et ejus uxor et eorum heredes de suis propriis corporibus procreandi de cetero ubicumque se transferrant maneant vel existant remanebunt et erunt justiciabiles dictis religiosis nec alium poterunt advocare seu invocare in dominum seu dominos preterquam religiosos antedictos salvis eciam prefatis religiosis omnibus coustumis terragiis campipartibus decimis censibus corveis et aliis redibenciis consuetis dictis religiosis debitis racione possessionum quas dicti Stephanus et ejus uxor et eorum heredes tenent et decetero tenebunt a religiosis antedictis salvo eciam dictis religiosis quod quamdiu dicti Stephanus et ejus uxor et eorum heredes mansionarii fuerint in villa et parrochia de Vareilliis ipsi tenebuntur molere ad molendinum dictorum religiosorum de Vareilliis et coquere ad furnum dictorum religiosorum de Vareilliis secundum usum et consuetudinem furni et molendinorum predictorum [] Datum anno Domini MCC septuagesimo septimo die mercurii in festo Sancti Lupi in capite septembris