Charter Document - 02360691
| Charter Number: | 02360691 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Recognition |
| Date: | 1276 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Erardus miseratione divina Autissiod episcopus salutem in Domino Notum facimus quod cum nos pensata utilitate ecclesie nostre remisimus manummortuam hominibus et feminabus nostris de Appoiniaco de Esbria et de Baailliaco de consensu capituli nostri Autissiod prout in quibusdam litteris super hoc confectis plenius continetur volumus pro nobis successoribusque nostris predictis hominibus et feminabus in hoc expresse consentientibus quod predicte manusmortue remissio et ea que in predictis litteris continentur non possint predicto capitulo in villis et rebus suis prejudicium grave innotare et consuetudines quas hactenus habuit dictum capitulum eidem salve sint in futurum et quod homines nostri dictarum villarum hactenus acquisierint vel acquirent in futurum vel accipient in maritagium res aliquas in villis seu locis ubi habet manummortuam dictum capitulum et decedent sine herede de proprio corpore derelicto quod res sic acquisitas existentes in manumortua dicti capituli mobiles seu immobiles in omnibusque et singulis casibus uti de consuetudine habet locum manus mortua dictum capitulum acciperet et suas faceret absque reclamatione aliquorum predictorum hominum et feminarum vel heredum suorum Item volumus quod si aliqui predictorum hominum nostrorum et feminarum delinquant taliter quod bona ipsorum debeant confiscari et habeant bona mobilia seu immobilia in terra et justitia predicti capituli quod bona illa pertineant ad capitulum memoratum et absque conditione aliqua sua fiant Presertim ex gratia speciali consentimus et volumus quod predictum capitulum de possessionibus et rebus illis quas modo habent in predictis villis et earum pertinentiis ad solutionem aliquarum decimarum minime teneantur et quod illi qui ab antiquo sint homines dicti capituli sua burgesia de possessionibus illis quas habent modo sciiicet tempore confectionis presentium in predictis villis et earum pertinentiis vicesimam partem fructum loco decime tantummodo solvere teneantur Et si aliquas possessiones de cetero in dictis villis aut earum pertinentiis acquirant decimam partem fructuum earum solvere tenerentur Et in testimonium omnium premissorum sigillum nostrum presentibus duximus apponendum Actum et datum anno Domini MCC septuagesimo sexto mense septembri