Charter Document - 02360689
| Charter Number: | 02360689 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1276 |
| Date type: | Internal, Regnal |
| Resource Link(s): |
|
Charter:
Venerabili in Christo patri et amico karissimo domino G Dei gratia Lingon episcopo Karolus eadem gracia rex Cecilie ducatus Apulie et principatus Capue alme urbis senator Andegavie provincie et Forchalquite comes ac romani imperii in custodia per sanctam romanam ecclesiam vicarius generalis salutem et sincere dilectionis affectus Dudum Radulpho de Venarcio canonico Sancti Clodoardi juxta Parisius et Henrico de Sancto Memio canonico Cathalaunensi clericis et familiaribus nostris per patentes litteras servicio et pro comitatu Tornodor movente de feudo ecclesie Lingonensis quem ratione domine regine Sicilie consortis nostre tenemus vobis fidelitatis prestaremus nostro et dicte regine nomine juramentum verum cum ipsi nostri clerici sicut accepimus fidelitatis juramentum hujusmodi vobis ex parte nostra et ejusdem regine prestiterunt placet nobis ac juramentum ratificantes predictum illud tenore presentium acceptamus In cujus rei testimonium presentes litteras fieri et sigilli majestatis nostre jussimus communiri Datum Rome per magistrum Guillelmum de Faronvilla prepositum ecclesie Sancti Amati dicti regni Sicilie vice cancellarium anno MCCLXXVI die XXV junii IIII indictionis regni nostri anno undecimo