Charter Document - 02360687
| Charter Number: | 02360687 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Recognition |
| Date: | 1275 - 1276 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis officialis Autissiod in Domino salutem Notum facimus quod coram nobis constituta Adelina relicta Stephani dicti de Lingonense nunc uxor Stephani Apothecarii civis Autissiod recognovit se tenere ad vitam suam tam modo a religiosis viris abbate et conventu Quinciaci quandam vineam sitam prope Chableias in loco qui dicitur Vauz Loranz bona fide promittens dicta Adelina se dictam vineam quamdiu vixerit in bono statu tenere et excolere modo debito alioquin dicti religiosi vel eorum mandatum dictam vineam saisire possent tanquam suam Post obitum vero dicte Adeline dicta vinea ad jus et proprietatem ecclesie Quinciaci libere et sine contradictione aliqua revertetur In cujus rei testimonium ad requisitionem dicte Adeline sigillum Autissiod curie presentibus duximus apponendum Datum anno Domini MCCLXX quinto mense januario