Charter Document - 02360685

Omnibus presentes litteras inspecturis officialis Senon salutem in Domino Notum facimus quod cum contencio seu discordia verteretur ut dicitur inter religiosos viros abbatem et conventum Sancti Remigii Senon ex una parte et nobilem virum Guidonem de Bellomonte militem dominum de Cheniaco ex altera super eo quod dicti religiosi dicebant quod ipsi poterant se augmentare et emere in rebus que homines predicti Guidonis tenent ad coustumam et censum in villa de Cheniaco et in pertinentiis dicte ville videlicet in rebus que movent a dictis religiosis predicto Guidone in contrarium dicente tandem dictus Guido in nostra presencia constitutus recognovit quod super predictis contentione seu discordia idem Guido ex una parte et dicti religiosi ex altera fide media et sub pena sexaginta lib par quelibet pars compromiserant in arbitros videlicet in Fromundum presbyterum rectorem ecclesie de Migenna arbitrum a dictis religiosis electum et in Guillelmum de Bono Orto militem arbitrum a dicto Guidone electum Recognoverat etiam dictus Guido quod predicti arbitri onere dicti compromissi in se suscepto cognitoque de premissis predictis partibus presentibus et arbitrium suum super premissis ferri poscentibus arbitrium suum super premissis protulerant in hunc modum videlicet quod dicti religiosi poterunt se decetero augmentare et accrescere quotienscumque voluerint in omnibus rebus superius nominatis videlicet in rebus moventibus ad censum et costumam a dictis religiosis sitis in villa de Cheniaco et in pertinenciis dicte ville Et si forte contingeret quod census costume et alie redibentie qui debentur dictis religiosis in villa de Cheniaco diebus statutis non essent soluti dictis religiosis diebus statutis predicti religiosi possent gagiare aut facere gagiari pro defectu et pro emenda sua si vellent eam levare et si violencia eis in hoc inferretur ipsi tenerentur venire ad predictum dominum Guidonem vel ejus mandatum et idem dominus vel ejus mandatum faceret eis satisfieri de capitali et de emenda sua si inveniret unde posset satisfieri et idem dominus de emenda ipsius domini sibi debita occasione recessionis suam faceret voluntatem Item per idem arbitrium protulerunt dicti arbitri quod prenominatus dominus de Cheniaco poterit se decetero accrescere quocienscumque voluerit in rebus moventibus a dictis religiosis sitis in villa de Cheniaco et in pertinenciis dicte ville per tales conditiones et per tales redibencias per quas alii homines emerunt seu acrescunt se in rebus moventibus a religiosis antedictis Si autem evenerit predicto domino Guidoni aliqua excasura in rebus predictis racione manusmortue idem dominus poterit eam vendere aut sibi si voluerit retinere salva redibentia que debetur dictis religiosis racione rerum dicte escasure Et si predictus dominus velit sibi retinere dictam escasuram idem dominus tenebitur venire ad predictos abbatem et conventum vel ad eorum mandatum in villa de Cheniaco et petere investituram rerum dicte escasure racione census Scilicet tamen propter hoc non tenebitur solvere neque vinum neque ventas Item recognovit idem Guido quod dicti arbitri per idem arbitrium protulerunt quod predictus dominus de Cheniaco inhibeat et inhibere teneatur hominibus suis ne ipsi vendant aliquid de rebus moventibus a dictis religiosis hominibus alterius conditionis in quibus dictus dominus amittat manum suam mortuam et predictus abbas pro se et pro conventu suo inhibeat et inhibere teneatur mandato suo custodienti terram suam de Cheniaco ne predictum mandatum suum aliquos homines alterius conditionis in quibus dictus dominus suam amittat manummortuam investiat de rebus moventibus a religiosis antedictis Cujusmodi arbitrium predictus dominus Guido coram nobis ratum habens pariter et acceptum promisit per fidem suam in manu nostra corporaliter prestitam et sub pena centum marcharum argenti quod illud arbitrium et omnia et singula premissa tenebit et complebit [] Datum anno Domini millesimo ducentesimo septuagesimo quinto die mercurii ante Nativitatem Beati Johannis Baptiste