Charter Document - 02360683
| Charter Number: | 02360683 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1274 |
| Date type: | Assigned |
| Resource Link(s): |
|
Charter:
Omnibus presentes litteras inspecturis officialis Senon in Domino salutem Notum facimus quod coram nobis constitutus Johannes dictus Monetarius castellanus Senon compos mentis sue et in bona valitudine existens prout per gestos suos evidentissime apparebat considerans et attendens ut dicebat bona quamplurima que longo tempore habuerat ab ecclesia Senon idcirco pie ac rite considerans respectumque obtinens et habens ad premissa donavit contulit et concessit et ex nunc imperpetuum quitavit et se donavisse contulisse et concessisse ac ex nunc perpetuo quitavisse recognovit capitulo Senon donatione collatione concessione et quitatione ex mera liberalitate inter vivos facta et sine spe revocandi et abdicans a se ex nunc omnem potestatem et facultatem revocandi donationem predictam in recompensationem dictorum bonorum ab eorum ut dictum est perceptorum et receptorum et ob remedium anime sue imperpetuam elemosinam ac pro anniversario suo annis singulis post ejus obitum in eadem ecclesia imperpetuum faciendo quandam domum cum tota ejus porprisia et omnibus appendiciis ejusdem quam se habere dicebat de propria hereditate sua moventem sitam in foro Senon ante domum in qua lane vendi consueverunt contiguam domui defuncti Milonis dicti Poisvete a parte anteriori et domui Emeline de Piciaco ex alia parte et a parte posteriori domui defuncti Andrea de Veteri Castro et domui defuncti Stephani dicti Saycheavoyne et defuncti Bertrandi dicti Esgret prout se comportat ante et retro in latitudine et longitudine in censiva capituli Senon antedicti Dictam rem donatam collatam concessam et quitatam quitam et liberam ab omni onere coustuma servitio servitute et exactione quacumque preterquam de duodecim denariis paris annui census spectantis ad dictam ecclesiam Senon cedens ex nunc et transferens in dictum capitulum et ex nunc dicto capitulo quitans omne jus dominium et omnem actionem proprietatem et possessionem quod et quam seu que et quas ipse habebat vel habere poterat et debebat in dicta re donata collata et concessa ut dictum est et quitata clavibus dicte domus traditis et se de dicta domo donata devestiendo in manu venerabilis viri magistri Gilonis Cornuti precentoris nunc et camerarii Senon vice et nomine capituli supradicti devestituram et investituram suscipientis vice et nomine capituli Senon predicti []