Charter Document - 02360680

Universis presentes inspecturis Droco de Melloto miles dominus Sancti Prisci salutem in Domino Notum facimus universis quod cum discordia verteretur inter nos ex una parte et religiosum virum priorem Sancti Eusebii Autiss ex altera super perceptione decime de Aucepto et de Sancto Prisco tandem bonis viris mediantibus talis compositio inter nos et dictum priorem intervenit videlicet quod ita concordatum est quod quicumque et de quacunque justicia fuerint illi qui vineas suas vel illas quas excoluerint vindemiaverint vel debladiaverint in justicia de Aucepto predicto priori Sancti Eusebii vel ejus mandato ad prestacionem decime vinearum predictarum decetero teneantur et similiter omnes illi qui in justicia de Sancto Prisco vineas suas vel illas quas excoluerint vindemiaverint vel debladiaverint nobis vel mandato nostro ad prestacionem decime faciendam teneantur Hanc autem compositionem inter nos et dictum priorem sic factam ratam et gratam habemus et promittimus firmiter observare et contra per nos vel per alios decetero non venire nos et heredes nostros quantum ad hec tenenda et observanda firmiter obligando In cujus rei testimonium presentibus litteris sigillum nostrum duximus apponendum Datum et actum anno Domini MCC septuagesimo quarto mense junio