Charter Document - 02360679

Omnibus presentes litteras inspecturis officialis Senon in Domino salutem Notum facimus quod cum contentio seu materia questionis verteretur inter magistrum et fratres maioris Domus Dei Senon ex una parte et tale metarios Senon ex altera super eo videlicet quod dicti magister et fratres dicebant contra dictos tale metarios quod ipsi tale metarii injuste et sine causa rationabili occupabant et detinebant occupatam quandam domum ipsorum magistri et fratrum sitam prope atrium domini archiepiscopi Senon in censiva ejusdem domini ante Domum Dei predictam auctoritate propria et panes suos ibi vendebant contra voluntatem ipsorum magistri et fratrum ac in prejudicium ipsorum non modicum et gravamen et peterent dicti magister et fratres quod ipsi tale metarii a premissis penitus desisterent et quod ipsi dictos magistrum et fratres nomine dicte Domus Dei de domo predicta tanquam de sua propria gaudere permitterent libere pacifice et quiete Ipsis tale metariis in contrarium asserentibus dicentibusque quod ipsi tale metarii et predecessores seu antecessores eorum a longo tempore fuerant et erant in possessione vel quasi ibidem vendendi panes reddendo eidem Domui Dei seu magistro et fratribus ejusdem Domus Dei qualibet septimana quilibet tale metarius dum venderet ibidem per totam septimanam quandam denariatam panis Et postmodum dicte partes super premissis in arbitros compromisissent fide hinc inde prestita corporali alto et basso videlicet in venerabilem virum Stephanum archidiaconum Stampensis in ecclesia Senon et Guillermum dictum de Alemante civem Senon videlicet dicti magister et fratres de assensu decani et capituli Senon et dicti tale metarii de assensu maioris parium et juratorum communie Senon prout hec omnia dicte partes recognoverunt coram nobis Tandem predictis partibus et arbitris in nostra presentia constitutis predicti arbitri onere dicte compromissi in se suscepto cognito de premissis habitoque diligenti tractatu cum peritis ut dicebant predictis partibus presentibus et arbitrium suum super premissis fieri poscentibus arbitrium sive dictum seu ordinacionem suam coram nobis protulerunt in hunc modum Primo dixerunt per arbitrium suum predictum quod proprietas stallorum et domus de quibus agitur pertinet ad dictam Domum Dei et est dicte Domus Dei prout possidetur Item dixerunt dicti arbitri per idem arbitrium quod omnes tale metarii Senon qui stalla habere et vendere panem voluerint in illo loco venient annis singulis ad magistrum dicte domus in septimana post festum Nativitatis Beati Johannis Baptiste et nomina sua scribi facient per magistrum et elapsa dicta septimana die lune sequentis convenient in dicta Domo Dei et ad jactandum locos suos alioquin ex tunc non audirentur immo dicti magister et fratres de stallis vacuis suam poterunt facere voluntatem toto illo anno et reddet quilibet pro stallo suo toto illo anno pro qualibet septimana tres obolatas panis dicto magistro et fratribus ultima die illius septimane Et si deficerent per unum mensem in solutione dicti magister et fratres de illo stallo seu illis stallis suam facient voluntatem sicut de aliis que vacua remanebunt Et si discordia fuerit inter ipsos recurrent ad magistrum et fratres pro discordia illorum stallorum et per ipsos dicta discordia sopietur Item dixerunt dicti arbitri per idem arbitrium quod a primo capite stallorum et meliori ab utroque latere incipient continue ad jactandum locos nec aliquis habere poterit duo stalla nisi aliquod de illis stallis que dicte domui remanebunt a dicto magistro locaverit vel receperit Si vero incendio impediretur vel auctore superiori quod non possent vendere in dicto loco panes de dicta domo stallis et platea dicti magister et fratres suam voluntatem alto et basso facere possent et in alios usus converterent prout viderent expedire Dixerunt etiam dicti arbitri per idem arbitrium quod non erat intentionis sue quod dictis stallis domo et platea dictis tale metaris vel eorum heredibus aut successoribus ullum aliud jus possessorium vel proprietarium imposterum acquiratur quam superius est expressum Illi vero qui durante dicta discordia vendiderunt et vendent usque ad nativitatem Beati Johannis a pensione antiqua et debita non propter hoc relevantur immo eam prout consueverunt persolvent Si vero super dicta pronunciatione aliquod dubium emerserit declarandi illud seu dubitationem dicti arbitrii penes se potestatem de consensu partium reservarunt Cujusmodi arbitrium sive dictum dictorum arbitrorum dicte partes coram nobis ratum habuerunt pariter et acceptum In cujus rei testimonium presentibus litteris sigillum curie Senon duximus apponendum Datum anno Domini MCCLXXIII mense februario