Charter Document - 02360675
| Charter Number: | 02360675 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1272 - 1273 |
| Date type: | Internal, A.D., Feast |
| Resource Link(s): |
|
Charter:
Petrus miseratione divina Senon archiepiscopus dilectis filiis viris vener et discretis decano et capitulo Senon salutem in Domino Cum ecclesia Sancti Johannis Senon per mortem bone memorie Guillelmi abbatis ejusdem ecclesie pastore vacaret dilecti filii prior et conventus ipsius ecclesie vocatis omnibus qui voluerunt debuerunt et potuerunt commode interesse pro futuri substitutione pastoris ut moris est convenienter in unum die ad eligendum prefixa religiosum virum Stephanum ejusdem ecclesie canonicum et Montisargi priorem invocata Spiritus Sancti gratia unanimiter et concorditer elegerunt Nosque presentatam nobis electionem hujusmodi quia ipsam invenimus de persona ydonea canonice celebratam auctoritate dyocesana confirmantes eumdem Stephanum ipsi ecclesie profecimus in abbatem Sperantes ac in Domino confidentes quod ipsa ecclesia utpote utilis presidio munita pastoris salubriter sub ipsius regimine dirigetur preservabitur a noxiis et in spiritualibus ac temporalibus divina cooperante clementia optatis affluet incrementis Ideoque vobis mandamus quatinus eidem electo per librum regule tradatis beneficium ecclesie Data Brienonne die martis post Epiphaniam Domini anno ejusdem millesimo ducentesimo septuagesimo secundo