Charter Document - 02360674
| Charter Number: | 02360674 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1272 - 1273 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis officialis Senon in Domino salutem Notum facimus quod coram nobis constituti Gaufridus dictus de Macheello clericus et Elyssandes ejus uxor dicentes et asserentes quod ipsi habebant quasdam domos sitas in magno vico in Seleria et Cordubenaria Senon inter domos defuncti Petri lou Cornillat ex una parte et domum Aveline de Ternantis ex altera Que quidem domus dicuntur au Porcheron et quas domos a nemine tenebant ut dicebant in feodum vel ad censum donaverunt et concesserunt et se donavisse et concessisse recognoverunt donatione et concessione factis inter vivos et sine spe revocandi ac in puram et perpetuam elemosinam venerabilibus viris decano et capitulo Senon sex denarios par annui census cum omni jure dominio exitibus et proventibus dictorum sex denariorum super domos predictas et pertinentias earumdem Promittentes per fidem suam in manu nostra datam dicti Gaufridus et ejus uxor quod contra donationem et concessionem predictas per se vel per alium non venient in futurum se et heredes suos et omnia bona sua et heredum suorum mobilia et immobilia presentia et futura ubicumque sint et quecumque prefatis decano et capitulo quantum ad hec per eandem fidem specialiter obligando et se supponendo jurisdictioni curie Senon ubicumque eant vel existant Datum anno Domini M ducentesimo septuagesimo secundo die jovis post Circoncisionem Domini