Charter Document - 02360673
| Charter Number: | 02360673 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Quittance |
| Date: | 1272 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis officialis Senon in Domino salutem Notum facimus quod in nostra presentia constituti Theobaldus Gaidons et Stephanus li Saciers procuratores communitatis parrochianorum ville de Eschegiis ac provisores ut dicitur ecclesie de Eschegiis habentes inter cetera potestatem et mandatum speciale transigendi paciscendi et componendi pro dicta communitate prout in litteris curie Senon super hoc confectis vidimus contineri recognoverunt coram nobis quod cum inter ipsos procuratores nomine procuratorio dicte ecclesie ac nomine provisorio dicte ecclesie ac nomine procuratorio dicte communitatis ex una parte et religiosos viros abbatem et conventum Sancti Remigii Senon ex altera contencio verteretur super restitucione possessionis cujusdam annui redditus bladi et pecunie et super arreragiis dicti redditus de quibus fit mentio in quadam sentencia diffinitiva lata a nobis pro dictis provisoribus contra dictos religiosos ac eciam super expensis factis occasione dicte contentionis ac eciam super dampnis et deperditis habitis hinc inde ac eciam super expensis factis a dictis provisoribus et a communitate predicta in prosecutione appellationis interposite a dictis religiosis a dicta sententia tandem ipsi procuratores et provisores predicto nomine provisorio et procuratorio predictos religiosos per amicabilem compositionem habitam inter ipsos et dictos religiosos pro duodecim libris tur solvendis a dictis religiosis et convertendis in emptione unius joelli ad opus dicte ecclesie de Eschegiis quitaverunt de omnibus expensis dampnis et deperditis factis et faciendis occasione contentionis predicte et de omnibus arreragiis usque nunc habitis et debitis ratione dicti annui redditus et dicte diffinitive sententie ita tamen quod dicti religiosi dictam possessionem dictis procuratoribus et communitati restituant et dictum redditum de cetero solvant terminis consuetis Ita etiam quod dicti abbas et conventus ad sumptus suos proprios fieri faciant in dicta villa de Eschegiis unum torcular ad vinum dicte ville pressorandum in vineis Quod quidem torcular et illud quod lucrabitur dictorum religiosorum erit De quibus tenendis complendis et inviolabiliter observandis Johannes Maior Petrus Fusée Jacquinus Harpins Johannes de Colatoriis se plegios pro dictis provisoribus obligarunt [] Datum die veneris ante Penthecosten anno Domini MCC septuagesimo secundo mense junio