Charter Document - 02360672
| Charter Number: | 02360672 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1271 - 1272 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis officialis Autissiod salutem in Domino Notum facimus quod in nostra presentia constituti religiosus vir frater Galterius prior Sancti Gervasii Autissiod ex una parte et Guillelmus de Preseeyo armiger ex altera recognoverunt se ad invicem permutationem fecisse de rebus infra scriptis et res infra scriptas alter alteri permutationis nomine tradidisse videlicet dictus prior illam partem quam habebat ut dicebat in molendinis de Naaliaco et quidquid juris habebat in eis et pertinentiis suis pro quarta parte quam ipse armiger se habere dicebat in decima de Sancto Moderato et de Ausiaco quam quartam partem idem armiger percipiebat ut dicebat et percipere commoverat in dictis decimis cum priore predicto cum curato de Sancto Moderato et cum abbatissa de Marcilliaco se devestientes de rebus permutatis permutationis nomine et facientes de eis alter alterum permutationis titulo investiri animo ut dicebant transferendi proprietatem possessionem et dominium de rebus permutatis in permutatores predictos promittentes per fidem suam in manu nostra corporaliter prestitam se contra permutationem istam de cetero non venire et quod in rebus permutatis nihil de cetero reclamabunt Primo promiserunt res permutatas alter alteri garentire quittas et liberas ad rectum censum ac restituere omnia dampna que alter eorum vel eorum heredes seu successores occasione defectus incurrerent vel haberent promisit insuper dictus prior quod infra dimidium annum postquam abbas creatus fuerit in abbatia Molismensi litteras faciet dari dicto armigero ab abbate et conventu dicti loci super permutatione predicta Dictus vero armiger promisit similiter quod permutationem istam a domino feodi et uxore sua laudari faciet et concedi Has autem conventiones promiserunt partes per fidem suam videlicet dictus prior administrationis nomine se tenere et contra non venire et se et heredes suos et successores et pro premissis observandis obligaverunt jurisdictioni curie Autissiod supposuerunt ubicumque maneant vel existant renuntiantes in hoc facto per fidem omnibus exceptionibus facti et juris que contra premissa possent objici sive dici Datum die mercurii post Reminiscere anno Domini millesimo ducentesimo septuagesimo primo