Charter Document - 02360668
| Charter Number: | 02360668 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1271 |
| Date type: | Internal, A.D. |
| Resource Link(s): |
|
Charter:
Omnibus presentes [] coram Petro Picardo clerico notario curie Senon jurato ad hoc audiendum quod sequitur Constituti Johannes de Courgenayo armiger ex una parte Richardus dictus Normannus ex altera recognoverunt quod convenciones inter ipsos intervenerant tales videlicet quod dicti homines in utroque sexu existentes et eorum heredes de corporibus eorum procreati qui extra advoeriam extiterint seu fuerint maritati quamdiu manebunt in dicta villa de Courgenayo seu moram fecerint in eadem dicti armigeri et ejus heredum homines justiciales abbonnati remanebunt et quolibet anno quamdiu moram fecerint in dicta villa reddent et solvent nomine dicti abonamenti dicto armigero vel ejus heredibus in festo Beati Remigii domo dicti armigeri de Courgenayo videlicet dictus Richardus Normann us et quilibet heres ipsius Richardi extra advoeriam existens duos solidos tur[] Hoc salvo predictis hominibus mulieribus et eorum heredibus quod quotienscunque ipsi voluerint dictam villam de Courgenayo relinquere et in aliam villam manere ipsi a solutione dicti abonamenti quiti et liberi remanebunt nec dictus armiger vel ejus heredes ab eisdem aliquid petere poterunt racione abonamenti predicti Et fuit ita actum in dictis conventionibus inter dictas partes quod si dicti homines et eorum heredes in solucione dicti abonamenti defecerint ut dictum est facienda quod dictus armiger et ejus heredes ab eisdem hominibus et eorumdem heredibus a quolibet ipsorum levare poterunt si levare voluerint quinque sol tur de emenda Et per dictas convenciones dictus armiger et ejus heredes predictos homines et eorum heredes antedictos quamdiu manebunt in dicta villa de Courgenayo ad sumptus suos proprios tenebuntur garentire et defendere erga omnes omniaque dampna et deperdita eisdem hominibus et eorum heredibus restituere que ipsos occasione dicte garentie contigerit sustinere Prefatus vero armiger pro se et ejus heredibus prefatos homines et eorum heredes abonnatos quitavit de tallia manumortua et forismaritagio et has omnes convenciones et singulas prout superius sunt expresse promiserunt dicte partes per fidem suam in manu dicti mandati nostri prestitam observare et eis contra venire [] Datum anno Domini MCC septuagesimo primo mense septembri