Charter Document - 02360667
| Charter Number: | 02360667 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1271 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis officialis Trecensis salutem in Domino Noveritis quod in nostra presentia constitutus Guido de Meso baillivus Autissiod recognovit publice se vendidisse et venditionis nomine quitasse viro nobili Guidoni de Melligniaco domino Montigniaci militi quicquid emerat idem a viro venerabili Guidone de Enon milite situm apud Denemainne videlicet quicquid idem Guido de Enon habebat in villa de Denemania tam in hominibus feminis justiciis censivis coustumis terciis pressoriis nemoribus arripariis que rebus aliis quibuscumque quadam vinee petia sita in finagio de Danemonia juxta vineam Odeti Maugerii de Herviaco ex una parte et juxta vineam Fauqueri de Denemonia ex altera clausum de Enon vulgariter nominata dumtaxat accepta cum totali plenoque jure quod ad eumdem baillivum cum dicto clauso devenerat et in manu ejusdem baillivi translatum fuerat de manu dicti Guidonis de Enon militis que idem Guido baillivus sibi in perpetuum et heredibus suis integraliter reservabat sicut asseruit coram nobis pro ducentis et nonaginta libris turon suis quitis et sibi jam solutis in pecunia numerata per manum virorum prudentium magistri Jacobi de Herviaco clerici thesaurarii domini regis Navarre et Reneri dicti La Corre quia magister Jacobus una cum viro prudenti Laurentio burgense de Herviaco de dictis ducentis et nonaginta libris se pro dicto milite de Melligniaco erga eumdem Guidonem baillivum fide jussorem et plegium obligarat necnon et se una cum dicto Laurentio in manu ejus Guidonis de Meso baillivi de dicta pecunie summa debitorem et pagatorem constituerat principalem prout hec omnia dictus Guido de Meso in jure confessus est coram nobis asserens annum et dimidium vel circa tamen jam elapsum fuisse a tempore dicte venditionis celebrate In cujus rei testimonium sigillum curie Trecensis una cum sigillo dicti baillivi qui quantum ad hoc jurisdictioni curie Trecensis predicte se supposuit presentibus litteris duximus apponendum Datum anno Domini MCC septuagesimo primo mense augusto