Charter Document - 02360659

Omnibus presentes litteras inspecturis Stephanus permissione divina ecclesie Parisiensis minister licet indignus salutem in Domino Notum facimus quod nostra presencia constituti nobilis vir Gillermus de Barris miles nobilis mulier Avelina ejus uxor et Guido armiger frater dicti Guillermi filii quondam defuncti Petri de Barris militis quondam et vicecomitis Senon dicentes et asserentes se habere in vicecomitatu Senon feodum de Serginis cum feodis et retrofeodis ad ipsum fecdum pertinentibus et feodum Stephani de Alemante et etiam terciam partem omnium aliarum rerum quas ipse Guillermus et coheredes sui habebant in dicto vicecomitatu et in pertinentiis ejus tam reddituum proventuum dominii justicie feodorum retrofeodorum quam aliorum quorumcumque exceptis feodis de Thorigniaco quos Milo de Thorigniaco et Henricus de Coudreto milites tenent feodo de Praellis quem Guido de Barris miles tenet et feodo Guillermi de Allemante sito apud Malleyum Vicecomitis qui feodi in recompensationem dictorum feodorum de Serginis et Stephani de Alemante in partem coheredum ipsorum Guillermi et Guidonis cessarunt ut dicebant et exceptis decem libratis terre quos magister Girardus Rousselli clericus tenet in feodum in dicto vicecomitatu vendiderunt coram nobis et se vendidisse coram nobis publice recognoverunt predictaque se habere dicebant in dicto vicecomitatu et in pertinentiis ejus habebant et habere poterant et debebant tam racione successionis vel escasure quam alii racione quacumque seu causa tam in reditibus dominio justitia feodis retrofeodis quam rebus aliis quibuscumque in quibuscumque rebus commodis emolumentisve consistant videlicet venerabilibus viris procentori Senonensi et archidiacono pruvin in ecclesia Senon ementibus ad opus et augmentum archiepiscopatus Senon et nomine ejusdem ac pro ipso et eciam pro reverendo patre P Dei gratia Senon archiepiscopo et ejus successoribus et precium solventibus de pecunia archiepiscopatus proveniente ex franchesia seu libertate ville Sancti Juliani de Saltu a bone memorie Guillelmo quondam Senon archiepiscopo jamdudum concessa in augmentum dicti archiepiscopatus convertenda scilicet pro mille et quingentis libris turon eisdem venditoribus quictis et sibi jam solutis ut confitebantur in pecunia numerata et pro trecentis et sexaginta et quindecim libris ejusdem monete pro quinto domini feodalis de quibus pecunie summis dictos emptores et etiam dictum archiepiscopatum in perpetuum quictaverunt coram nobis confitentes et asserentes predicta vendita esse et movere de feodo dicti domini Senon et nemini obligata promittentes [] Cujusmodi vendicionem Guillelmus armiger filius dicti Guillelmi coram nobis propter hoc constitutus voluit laudavit pariter et concessit et predicta vendita et quicquid juris in eisdem habebat et habere poterat et debebat eidem domino Senon et ejus successoribus ac dicto archiepiscopatui quictavit perpetuo coram nobis et promictens per juramentum suum ab ipso tactis sacrosanctis Evangeliis coram nobis prestitum se contra eam non venire et nichil juris in dictis rebus venditis reclamare De cujus liberatione garentia et defensione feodi et aliis premissis a dictis venditoribus et eorum heredibus tenendis faciendis complendis et firmiter observandis dampnisque deperditis constamentis et expensis refundendis ut premissum est Johannes de Acrivilla Johannes de Montigniaco Gilo de Plesseto Milo de Villaribus Loye milites et Odardus et Petrus de Barris armigeri fratres dicti Guillermi militis propter hec coram nobis constituti pro dictis venditoribus et eorum heredibus erga dictum dominum Senon et ejus successores se plegios obligaverunt quilibet ipsorum in solidum et pro toto ad tradendum fide ab eis in manu nostra data eidem domino Senon vel ejus successoribus aut eorum mandato gagia sufficentia ductibilia et portabilia si ipsi venditores vel eorum heredes in premissis vel aliquo premissorum deficerent aut contra venirent quoquomodo [] Dicta vero Avelina per dictum juramentum suum ab ipsa coram nobis prestitum renunciavit penitus et expresse omni juri quod ipsa habebat et habere poterat et debebat ac se habere expectabat in dictis rebus venditis racione hereditatis conquestus dotis vel dotalicii aut alia racione quacumque seu causa dicens et asserens per idem juramentum quod ipsa faciebat spontanea non coacta nec in aliquo circumventa [] Actum et datum Senonis die dominica in media Quadragesima anno Domini millesimo ducentesimo sexagesimo nono mense marcio