Charter Document - 02360658
| Charter Number: | 02360658 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1269 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis officialis Autissiod salutem in Domino Noveritis quod in nostra presencia propter hoc personaliter constituti Stephanus de Chableiis rector ecclesie de Poileyo Lingonensis diocesis et Johannes de Poileyo clericus filius Droconis quondam prepositi dicte ville recognoverunt coram nobis quod cum controversia verteretur coram venerabili viro officiali Lingonensis auctoritate ordinaria inter dictum curatum ex una parte et dictum Johannem agentem nomine procuratoris pro viris religiosis abbate et conventu Sancti Michaelis de Tornodoro ex altera super eo quod idem Johannes petebat a dicto curato medietatem omnium proventuum exituum et oblacionum ecclesie de Poleyo excepto presbiteragio racione juris patronatus quod dicunt se habere in dicta ecclesia abbas et conventus predicti communiter vel divisim qui predicti abbas et conventus dicto Johanni ut asseruunt coram nobis predicti Stephanus et Johannes contulerunt eidem Johanni ad vitam suam quicquid juris habent vel habere debent racione dicti juris patronatus in ecclesia memorata prout in ipsorum abbatis et conventus litteris concessionis dicitur contineri tandem de bonorum virorum consilio ut asseruunt pacificaverunt in hunc modum quod dictus Stephanus vult et in hoc expresse consentit quod dictus Johannes de cetero percipiat et habebit quamdiu idem Stephanus erit curatus dicte ecclesie decimam lane et agnorum et omnes terras arabiles ad dictam ecclesiam pertinentes quitas et liberas ab omni decima debita ecclesie supradicte ratione porcionis quam dicunt se habere predicti abbas et conventus ratione dicti juris patronatus quod dicunt se habere in dicta ecclesia videlicet medietatem omnium proventuum exituum reddituum et oblationum dicte ecclesie prout in litteris bone memorie Manasserii Dei gracia episcopi Lingonensis dicitur et vidit dictus Stephanus ut asseruit contineri quam portionem predicti abbas et conventus dederunt et concesserunt dicto Johanni ut dicitur ad vitam suam pacifice possidendam prout ipsorum abbatis et conventus litteris super concessione predicta factis dicitur plenius contineri Quando vero contingerit dictum Stephanum decedere vel dictam ecclesiam dimittere quoquomodo dictus Johannes vel abbas et conventus predicti vel eorum mandatum porcionem predictam quam habent in dicta ecclesia percipient et habebunt secundum tenorem litterarum dictorum abbatis et conventus sigillo bone memorie predicti Manasserii episcopi Lingonensis sigillatarum quas litteras dictus Stephanus quamdiu idem Johannes vixerit ut dictum est approbavit et de cetero approbabit Predictas autem conventiones predicti Stephanus et Johannes fide in manu nostra prestita corporali promiserunt se servaturos et contra non venturos quamdiu vixerit et dictus Stephanus erit curatus ecclesie supradicte quantum ad predicta firmiter observanda se juridicioni seu juridicionibus Autissiod et Lingon curiarum supponentes In cujus rei testimonium sigillum curie Autissiod ad peticionem dictorum Stephani et Johannis presentibus litteris duximus apponendum Datum anno Domini MCCLX nono die veneris post festum Omnium Sanctorum