Charter Document - 02360655
| Charter Number: | 02360655 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1269 |
| Date type: | Internal, A.D., Feast |
| Resource Link(s): |
|
Charter:
Omnibus [] officialis curie Senon Notum facimus quod in nostra presencia constituti nobilis vir Johannes de Plesseto miles et nobilis mulier Heluysis ejus uxor recognoverunt se pro octies viginti libris tur suis quitis et jam in pecunia numerata sibi solutis ut dicebant ad perpetuitatem vendidisse religiosis viris abbati et conventui Vallis lucentis totum jus faciendi hayas sive hayam ad venandum quod ipsi Johannes et Heluysis habebant seu habere dicebantur in nemoribus dictorum religiosorum pertinentibus ad granchiam eorumdem de Servinis exceptis hayis ad lepores et ad cuniculos capiendos de spinis et genestis tantummodo faciendis Renuntiantes etiam specialiter et expresse dicti Johannes et Heluysis omnibus litteris et instrumentis confectis a temporibus retroactis [] Preterea promiserunt dicti Johannes et Heluysis fide media quod ipsi de tribus sextariis frumenti quos dictus defunctus Gaufridus quondam pater dicti Johannis contulit in elemosinam ut dicebant ecclesie Vallis lucentis percipiendos annis singulis in terragiis suis de Plesseto dictis abbati et conventui satisfacient annuatim pro portione quam ipsos habere contigerit in terragiis supradictis [] Actum die veneris post octabas Beati Symonis anno Domini MCC quinquagesimo nono mense octobri