Charter Document - 02360648
| Charter Number: | 02360648 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1269 |
| Date type: | Internal, A.D. |
| Resource Link(s): |
|
Charter:
Excellentissimo domino suo domino Theobaldo Dei gratia regi Navarrorum illustri Campanie Brieque comiti Palatino suus Johannes abbas Virziliac totusque ejusdem loci conventus salutem et orationem ad Dominum et se ad ejus beneplacita promptissimos in Domino Jhesu Christo Vestre regie majestatis grata devotionis beneficia que ad laudem et gloriam divini nominis ob honorem etiam et reverenciam gloriosissime peccatricis nobis et ecclesie nostre devotissime impendistis tam liberaliter et benigne ut nos et dominam reginam et speciales amicos vestros prosequamus specialium suffragiorum gratia nos inducunt quia cum vestre devotionis habundanciam quam tociens circa nos licet immeritos et exiguos affluxisse necnon et affluere sensimus et sentimus vestre regie majestati quantulacumque vicissitudine possumus respondemus ejusdem vestre regie majestatis multorumque animos ad devotionem ecclesie nostre plene invitatos ad laudem Domini et reverentiam glorissime peccatricis ut igitur pro exibitis a vobis et a domina regina nobis et ecclesie nostre bonitatibus et beneficiis participationem omnium bonorum que per nos et fratres nostros ubilibet existentes operari dignabitur clemencia Salvatoris vobis placeat accepisse non solum hoc generale sed etiam hoc speciale quod sequitur vobis concedimus liberaliter et benigne videlicet qualibet ebdomada unam missam de Sancto Spiritu in conventu et in quolibet nostrorum prioratuum qualibet ebdomada similiter missam unam et tres missas preter hoc annuatim a quolibet nostro monacho sacerdote ubilibet in regno Francie commorante a quolibet non sacerdote monacho unum psalterium annuatim et psalmum Exurgat Deus cotidie post matutinas cum oratione et in quatuor missis que cotidie in ecclesia nostra sollempniter celebrantur psalmum Deus venerunt cum precibus Exurgat Deus et versiculis et orationibus consuetis Qualibet etiam ebdomada annuatim missam de Sancto Spiritu cum psalmo Deus venerunt et precibus Exurgat Deus et versiculis et orationibus consuetis in qualibet sex ecclesiarum secularium nobis pleno jure subjectarum et duas missas cum psalmo Dens venerunt et versiculis et precibus Exurgat Deus et orationibus consuetis annis singulis a predictarum ecclesiarum quolibet sacerdote donec de secundo adventu vestro et leticia vestri reditus ad propria que affectamus plurimum magnificemus dominum et nostri exultent spiritus in Deo nostro verissimo salutari Concedimus vobis etiam anniversaria recordationis inclite patris et matris vestrorum in ecclesia nostra in perpetuum celebranda et si quod absit obitum vestrum vel domine regine contingeret nos audire pro illo de quo audierimus vel pro utroque similiter faciemus In cujus rei testimonium nos abbas sigillum nostrum proprium et nos conventus sigillum nostrum ad causas quod ad presens utimur cum aliud non habemus presentibus duximus apponenda Datum anno Domini MCCLX nono Bene et diu valeat et vigeat vestra majestas regia per tempora longeva