Charter Document - 02360646
| Charter Number: | 02360646 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1268 - 1269 |
| Date type: | Internal, A.D. |
| Resource Link(s): |
|
Charter:
Ludovicus Dei gracia Francorum rex Notum facimus universis tam presentibus quam futuris quod cum abbas et conventus Sancti Johannis Senon emerint a Guillelmo de Barris milite pro precio mille librarum turon totam terram suam de Doloto cum omnibus pertinenciis et tota sua justitia dicti loci que de feodo nostro movebant nos eisdem abbati et conventui concessimus quod ipsi possideant et habeant medietatem venditionis predicte et insuper grandem bordam quam dictus miles habebat in loco predicto et aliam medietatem ipsius venditionis habebimus eo modo quo tenemus associationem quam apud Lissiacum nos et iidem abbas et conventus habemus Pro qua quidem medietate et admortisatione dicte terre dicti abbas et conventus solverunt de dicta summa sexcentas libras turon et nos ducentas libras cum aliis ducentis libris turon quas pro quinto denario retinuimus dene venditionis predicte Concedentes quantum in nobis est quod prefati abbas et conventus dictam medietatem hujus venditionis cum borda predicta tenere valeant in perpetuum et pacifice possidere sine coactione aliqua vendendi vel extra manum suam ponendi salvo in aliis omnibus jure nostro ac jure etiam in omnibus aliorum Nosque aliam medietatem ipsius venditionis quam habebimus ut dictum est non poterimus extra manum nostram ponere sine licencia dictorum abbatis et conventus nisi eandem transferemus in ipsos Quod ut ratum et stabile permaneat in futurum ad requisitionem ipsius G de Barris militis presentibus litteris nostrum fecimus apponi sigillum Actum Parisius anno Domini millesimo ducentesimo sexagesimo octavo mense marcio