Charter Document - 02360644
| Charter Number: | 02360644 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1268 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis magister Stephanus officialis curie Sancti Juliani de Saltu Senon dyocesis in Domino salutem Notum facimus quod coram nobis constitutus magister Symon de Brione clericus canonicus ecclesie Sancti Stephani Trecensis iter suum Bononiam arrepturus causa studii frequantandi ut dicebat nobilem virum Gilonem de Brione patrem suum militem exhibitorem presentium procuratorem suum constituit fecit et ordinavit ad ordinandum et disponendum pro ipso de prebenda ipsius magistri Symonis quam habebat et percipiebat in ecclesia supradicta dans eidem et concedens plenam et liberam voluntatem ordinandi et disponendi pro ipso de dicta prebenda pro voluntate sua ac eam in manu patroni ejusdem resignandi si sibi placuerit vel viderit expedire sicut ipse in sua persona faceret si presentaliter interesset ratum habiturus et firmum idem magister Symon quicquid per dictum nobilem quo ad premissa pro eodem magistro Symone actum fuerit seu etiam procuratorem et hoc omnibus quorum interest tenore presentium intimamus Datum et actum anno Domini MCCLXVIII die festo Beati Remigii mense octobris