Charter Document - 02360643
| Charter Number: | 02360643 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1268 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis officialis curie Senon in Domino salutem Notum facimus quod coram nobis constitutus vir nobilis Henricus de Triangulo miles dominus Villenove Divitum Hominum recognovit se ad perpetuitatem vendidisse ven viris decano et capitulo Senon ementibus ecclesie Senon nomine et ad opus ipsius ecclesie Senon totum fundum cujusdam pecie nemoris quod appellatur nemus Hugonis siti inter Villare Bonosum et Granchias cum omni jure et dominio et cum omni justicia tam magna quam parva que et quas dicebat dictus miles se habere in dicto fundo vendito liberum et quitum dictum fundum nemoris venditum ab omni feodo retrofeodo redibencia coustuma et exactione qualibet videlicet quodlibet arpentum ad arpentum domini regis pro quatuor libris turon eidem venditori jam solutis ut dicebat in pecunia numerata et eciam pro quinquaginta libris turon pro laudatione nobilis mulieris Johanne uxoris ejusdem militis jam solutis similiter in pecunia numerata et de quibus denariis idem venditor renuncians fide data in manu nostra exceptioni de non numerata pecunia se tenuit plenarie pro pagato De quibus garantia liberatione et defensione ut dictum est ferendis dampnis et deperditis repudendis Milo de Thorigniaco Hugo de Sancto Albino Guido de Florigniaco et Garnerius de Villari Bonoso milites coram predicto Johanne clerico juraro nostro pro dictis domino Henrico et Johanna ejus uxore et ad petitionem eorum quilibet ipsorum in solidum et per fidem suam corporaliter prestitam erga dictos emptores se plegios obligarunt et quantum ad premissa predictus dominus Henricus venditor et dicta Johanna ejus uxor obligaverunt specialiter et expresse predictis emptoribus et eorum successoribus se et heredes suos et omnia bona sua et heredum suorum mobilia et immobilia presencia et futura ubicumque sint et poterunt inveniri [] Supponentes se quantum ad premissa dictus dominus Henricus dicta Johanna ejus uxor dictique plegii jurisdictioni curie Senon ubicumque maneant vel existant confessioni vero et recognitioni predicte Johanne et dictorum plegiorum interfuerunt vocati et rogati Henricus de Pleysseto Petrus de Boyaco Guido de Vernolio milites Garnerus presbyter de Thorigniaco Petrus Paisterlone et Symon de Virgultis armigeri Actum anno Domini MCCLX octavo mense julio