Charter Document - 02360641
| Charter Number: | 02360641 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Promise |
| Date: | 1267 - 1268 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis officialis curie Senon salutem in Domino Notum facimus quod coram nobis constitutus Johannes filius quondam defuncti Guerini dicti Roijon de Souciaco hominis quondam capituli Senon a dicto capitulo manumissus dixit et asseruit coram nobis quod capitulum Senon vel aliquam personam dicti capituli seu etiam homines ipsorum non citabit vel vexabit nec in aliquo molestabit de cetero nisi coram ordinariis suis omnia bona sua ubicumque sint et poterunt inveniri quantum ad hoc specialiter obligando Voluit eciam et concessit dictus Johannes quod si ipsum contigerit uxorem ducere vel tonsuram dimittere clericalem quod ad priorem statum secundum usum et consuetudinem hominum dicti capituli de Souciaco penitus revertatur et si vellet uti privilegio clericali voluit et concessit quod dictum capitulum ad omnia bona sua sub jurisdictione et dominio dicti capituli existencia auctoritate sua propria sine injuria ei vel alii facienda possit assignare et ea capere saisire detinere occupare et explectare tanquam sua et de eis tanquam de suis suam penitus facere voluntatem quantum ad premissa omnia bona sua predicta dicto capitulo specialiter obligando Omnia vero et singula velud premissa sunt dictus Johannes promisit per juramentum suum coram nobis prestitum se tenere complere et inviolabiter observare et contra premissa vel aliquid de premissis per se vel per alium decetero non venire Renuncians et super [] Datum anno Domini MCC sexagesimo septimo mense marcio