Charter Document - 02360636

Theobaldus Dei gratia rex Navarre Campanie et Brie comes palatinus omnibus presentes litteras inspecturis salutem in Domino Notum facimus quod in nostra presentia constitutus dilectus et fidelis noster Guido miles dominus de Chanloto recognovit se vendidisse concessisse et in manumortua in perpetuum quitavisse viris religiosis abbati et conventui Pontiniac pro nogentis libris turon sibi plene solutis trecenta arpenta nemoris sui cum fundo ipsorum sive terra cum omni jure et justitia que in dictis trecentis arpentis nemoris ipsorum cum fundo sive terra idem Guido habebat salva magna justitia quam in eisdem idem miles voluit retinere videlicet raptum latronem homicidium qui pro forefacto suo amittere membrum seu mortem meruerint in recognitione dominii et feodi nostri que in eisdem retinemus excepto tamen quod non possit super fratres domus de Pontiniaco aliquam habere justitiam Voluit autem retinere et retinuit idem Guido quod possit venari quotiescunque voluerit in dictis trecentis arpentis nemoris sine haia facienda Que trecenta arpenta nemoris sita sunt contigue ut dicitur juxta nemus capituli S Stephani Senonensis ex una parte quod nemus appellatur Parva Rabiosa et juxta rivum de Arciis ex altera ex alia vero parte juxta forestam abbatis S Petri Senon ex alia parte superiori juxta alia nemora predicti nemoris que trecenta arpenta movent de feodo nostro sicut predictus Guido recognovit publice coram nobis Quas venditionem concessionem et perpetuam quitationem dictorum trecentorum arpentorum nemoris et fundi eorum a dicto Guidone factas religiosis predictis volumus concedimus et laudamus et presentis scripti patrocinio ac sigilli nostri appositione predictis abbati et conventui Pontiniac in manu mortua sine aliqua grueria in perpetuum confirmamus ita tamen quod si dicti abbas et conventus ad dicta nemora conservanda guarditorem advocare voluerint non poterunt alium guarditorem advocare in dictis nemoribus nisi nos vel heredes nostros vel ipsum Guidonem vel heredes suos In cujus rei testimonium et munimen presentibus litteris sigillum nostrum apposuimus Datum et actum apud Trecas die dominica post octabas apostolorum Petri et Pauli anno Domini MCCLX septimo