Charter Document - 02360631

Omnibus presentes litteras inspecturis officialis Autissiod salutem in Domino Noverint universi quod in nostra presentia constituti Guillelmus de Foresta miles et Agnes uxor sua asserentes firmiter se tenere et possidere in franco allodio tantummodo res inferius annotatas videlicet unum arpentum vinee situm in finagio de Chableiis in loco qui dicitur Clausus inter vineam Guillelmi Bernerii ex una parte et vineam defuncti Parioti ex altera item dimidium arpentum vinee in eodem finagio in valle de Colliau inter vineam Tartarini armigeri ex una parte et vineam Petri de Senonis ex altera item dimidium arpentum vinee in loco qui dicitur Sichi in eodem finagio inter vineam Girardi Burdini ex una parte et vineam Ado Benedicti ex altera item dimidium arpentum situm in Basso de Champelein in eodem finagio inter vineam Hugonis Letandi ex una parte et vineam Bernardi de Chichiaco ex altera item tria quarteria in alto de Champelein in eodem finagio inter vineam de Pontigniaco ex una parte et vineam Gaufridi Chiponiau ex altera item tria arpenta in valle de Cuvylli in eodem finagio inter vineas Theobaldi Chanu et Stephani de Poilliau ex una parte et vineas Petri quondam filii defuncti Oden et Theobaldi Biauvilain ex altera item duas septuras prati in valle de Bena que partiuntur cum Johanne Croute Oalis item dimidiam septuram in finagio Chableiarum que partitur cum Johanne de Barro item dimidiam septuram que partitur cum Stephano Gaudrici item dimidiam septuram in finagio de Chichiaco que partitur cum Herberto de Nantriaco item sex jornalia terrarum arabilium sita in loco qui dicitur fons Damparant in finagio de Chableiis item decem jornalia in eodem finagio prope viam per quam itur ad molendinum Daysi item duo jornalia in eodem finagio in loco qui dicitur Clausus item unum jornale in eodem finagio juxta terram obedenciarie Chableiarum item quatuor jornalia sita in finagio de Capella item decem jornalia sita in finagio de Chichiaco in loco qui dicitur les Aubuyes item sex jornalia in eodem finagio in loco qui dicitur Crio item domos suas sitas apud Chableias que quondam fuerunt defuncti Petri Venatoris militis item tres modios vini annui redditus qui debentur predictis Guillelmo et ejus uxori ut dicitur in prioratu de Dyen que omnia movere dicuntur de capite et hereditate predicte Agnetia ista vero omnia superius expressa necnon omnia alia que ipsi possidebant et tenebant in franco allodio ut dicebant et adhuc tenent et possident in finagio de Chableiis de Chichiaco de Milli de Ponchi de Bena et de Capella moventia de capite et hereditate ipsius Agnetis et ubicumque sint in predictis finagiis et quecumque de communi assensu et voluntate eorum deliberatione prehabita posuerunt omnino in feodo ecclesie Beati Martini Turonensis et in feodo firmiter ab ipsa ecclesia tenere et possidere amodo voluerunt promittentes per fidem suam corporaliter prestitam se res predictas et superius expressas cum omnibus aliis qua tenent et possident in dictis finagiis ubicumque sint et quecumque tenere et teneturos de cetero a dicta ecclesia in feodo et eidem ecclesie amodo ratione ipsarum rerum servitium feodale prestare et debere prestare prout ceteri in feodo tenentes consueverunt tenere vel dare seu prestare teneantur et in signum testimonium et recognitionem rerum predictarum esse et fore predicte ecclesie perpetuo feodalium et ab ipsa ecclesia amodo in feodo tenendarum perpetuo promiserunt dicti miles et ejus uxor et tenentur ac eorum heredes seu successores aut ab ipsis causam habentes qui res predictas in posterum possidebunt quos ad hoc cum predictis rebus specialiter obligarent dare venerabilibus viris decano et capitulo Beati Martini Turonensis nomine ecclesie Beati Martini Turonensis annis singulis infra octavas Nativitatis Beati Johanis Baptiste vel eorum mandato apud Chableias una cartaria deaurata Item quod si ipsi miles vel ejus uxor seu ipsorum heredes vel successores aut ab ipsis causam habentes qui res predictas post ipsos possidebunt quacumque ex causa defecerint in solutione cartarium vel in servitio faciendo aut reddendo quod ratione feodi tenentur facere prout ceteri qui tenent in feodum consueverunt facere et reddere dicti decanus et capitulum vel eorum mandatum quos posuerunt nomine dicte ecclesie et recognoverunt posuisse in corporalem possessionem dicti feodi et vacuam res predictas feodales tanquam veri domini feodi nulli injuriam inferendo poterunt de plano saisire capere et tenere quousque eis sit tanquam dominis feodi de injuria vel defectu prout ceteris dominis de feodis satisfieri hactenus consuevit integre satisfactum Promiserunt insuper res predictas dicte ecclesie vel decano et capitulo qui pro tempore fuerint nomine ecclesie recte absque alieno feodo et quacumque redibentia in perpetuum garentire [] Datum anno Domini MCC sexagesimo septimo die veneris post ascensionem Domini