Charter Document - 02360629
| Charter Number: | 02360629 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1266 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis officialis Autissiod salutem in Domino Noveritis quod in nostra presentia constitutus Johannes filius defuncti Stephani quondam prepositi Sancti Germani Autissiod qui se gerebat pro preposito Sancti Germani dicens et asserens quod prepositura ipsa devenerat ad ipsum et successione dicti defuncti Stephani quondam patris sui cum prepositura a tempore a quo non extat memoria descendisset de herede in heredem usque ad ipsum Johannem et eam aliquandiu tenuerat possederat et explectaverat sine lite et coram Guidone de Demeriaco clerico nostro jurato ad subscripta audienda et recipienda a Regina uxore dicti Johannis oco nostri ad ipsam a nobis specialiter destinato cui quantum ad hoc vices nostras duximus commitendas et cui fidem indubitanter adhibemus constituta dicta regina recognoverunt et confessi fuerunt videlicet dictus Johannes coram nobis et dicta Regina coram dicto clerico nostro se de bonorum et amicorum suorum consilio ut dicebant et propria voluntate non coacti non circonventi [] quittasse religiosis viris abbati et conventui Sancti Germani Autiss et successoribus seu posterioribus eorumdem dictam preposituram cum omnibus juribus dicte prepositure scilicet pane vino geverali avena terris pratis nemoribus censibus salicetis necnon cum omnibus reditibus quibuscumque ad dictam preposituram spectantibus et renunciaverunt omni juri quod habebant vel habere poterant in predictis racione quacumque volentes et concedentes quod ipsi abbas et conventus aut eorum successores possint amodo de premissis omnibus et singulis suam omnino facere voluntatem [] Asseruit eciam dictus Johannes quod predicti abbas et conventus considerantes et attendentes dilectiones ac donacionem quam predictus Johannes habebat erga eos et monasterium Sancti Germani Autissiod et servicium quod ipse et parentes sui dicto monasterio impenderant ab antiquo in suo generali capitulo de unanimi consensu et voluntate eorumdem concesserunt et dederunt dictis Johanni et Regine ejus uxore quamdiu vixerunt successive centum bichetos frumenti boni et legitimi annui redditus ad mensuram Autiss et centum bichetos ordei boni et legitimi ad eandem mensuram percipiendos et levandos anno quolibet ad Nativitatem Domini apud Heriacum in eorum granerio libere et quiete Ipsi vero Johanne et Regina de medio sublatis dicti abbas et conventus vel eorum posteriores de hujusmodi blado quiti et liberi penitus ut dicitur remanebunt In quorum testimonium ad peticionem dicti Johannis et relacionem dicti clerici nostri sigillum curie Autiss presentibus litteris duximus apponendum Datum anno Domini MCCLX sexto mense decembri