Charter Document - 02360627

C'est la paie des genz le conte de Nevers feite par monseignor Hugue d'Augerant et par monsegnor Joffroi de Sergines qui i estoit por monseignor Erart de Valeri Ce fut la veille de feste Saint Lorant en l'an mil CCLXVI dou lais que li cuens lor fist I C'est la paie des chevaliers A monsegnor Gaucher de Merri VIxx besanz por XL liv tornois II C'est la paie des Ostex et des Trecoples Por l'ostel monsegnor Gaucher de Merri et monsegnor Guion de Chantenai por II mois VI besans XVI quarrobles III Por monsegnor Erart de Valeri VIIIc XXXI bes et demi de sa paie VIII C'est la recepte des choses le conte de Nevers qu'il avoit au jor qu'il ala de vie à mort De la remanance dou compe Estiene le Clerc demora XV liv t II s moins que il bailla en la main monsegnor Hugon d'Augerant et à ce compe fu messire Goffroiz de Sergines le juennes por monsegnor Erart de Valeri et fu la veille de feste Saint Lorant en l'an mil CCLXVI VIII An cel menière demore la recepte de susdite xliiii liv xiii s iv d t lesquelx messire Erarz de Valeri prist de sa paie de ceu que li quens li devoit c'est à savoir por les trois parz de l'année MCXXV liv et por IIII chevax que mors que afolez cdl liv somme por tot mvliiv liv tornois que l'en li devoit Et d'autre part il demora en la main Mgr Erart choses qui ne porent estre vendues ainz que messire Hugues d'Augerant s'en alast et furent prisiées ccvi liv xiii s iv d t An cel menière fut paiez messire Erarz de sa deite jusque à la demorance de cclxiii liv xiii s iv d t que il ot ancor à recevoir de sa paie Cilz compes fut feiz le jueudi après feste Saint Remi en l'an mil CCLXVI en Acre por Mgr Erart de Valeri et Mgr Hugon d'Augerant et Mgr Joffroi de Sergines le juenne IX Et ce sunt les choses qui demorèrent monsegnor Erart de Valeri prisiées por les ccvi liv xiii s iv d t desus diz Premierement i chapel d'or à pierres et à perles en pris de lxxx liv t Après li garnement de la Chapelle nueve que li quens avoit feite prisée cl besanz Li dui esprevier lx b Li dui tapi nuef xx b et ix dras de Tartais por xl b et i drap qui i estoit d'or et fut percez sor le cuer le conte Item une tante pour xli b Li dui grant romanz et li Chançoners por xxxi b Ce fut li romanz des Loheranz et li romanz de la terre d'Outremer et li Chançoners Somme de ces choses prisées à besanz ccclxxxii besanz qui valent ccvi liv xiii s iv d tournois Paie des chevaliers le conte qui estoient de manaige feite des V cens mars d'estellins que li dux envoia A monsegnor Erart de Valeri cc mars por dlv liv t sor sa paie que l'en li devoit qui montoit à dlxxv liv t por les trois parz de l'année et por les chevax morz Rouleau B III Ce est ceu qui fu départi des choses le conte Messire Jeoffroiz de Sergines li pères ot i saffir que li cuens pandoit à son col Messire Jeoffroiz de Sergignes li junes une esmeraude Messire Gaucher de Merri i anel Messire Erarz de Valeri a les ii croisetes d'or et le petit vaisselet d'argent où il a des reliques que li patriarches aveit donées le conte Il i ot iii verz départis à chivalers et xii pannes Rouleau d C'est li escriz des choses li conte vendues [i] Ce sunt les choses que messires Erars de Valeri a acheté des choses le conte Premièrement por l'asne à tot le harnois xvi b et por xl gelines viii b et xiv b por busche por i fer de glaive et iii paire d'esperons et i coutel vi b [et] demi por c muis d'orge c b por lxi quannes de napes xxx b et por iii douzaines de toailles à main vi b por toile x quannes vi b Por le for de fer et i pot de cuivre et une chaudière et i paelle et i graill et i trepié et une forchete et une paellette perciée xvi b Por iv quarriaus ii b por v paire de dras nues xxv b por i siffle et por x paire de petiz ganz ii bezanz Et por ii paire de barriz ii b Por iii quannes de saie xv b Por xv botes de vin ccixx b quart moisis Et por x lez de char salée x b Somme de ces choses cdlxxvii b vi quarrobles Item por xviii escuelles d'argent et xii enas et ii grans plateaus qui poisent xliii mars [et] demi iii estellins moins qui valent cccliv b et vi quarrobles le marc vendu viii b et iv quarrobles au marc d'Acre Somme de tot dcccxxxi bezans [et] demi sor mon segnor Erart de Valeri [ii] Ce est ceu que messire Joffroiz de Sergignes li pères acheta Por iii chaudières et ii paelles xviii b et iv b por les ii botiaux de cur à vin Por xl lez de char salée xli b Por iv paire de barriz vi b Por xvii botes de vin ccxxx b [et] x quarrobles Somme sor monsegnor Jeoffroi ccc besans xiv quarrobles moins