Charter Document - 02360621

A toz cels qui verrunt ces présentes letres et orunt je Huedes de Nevers filz lou duc de Bergoigne salut an Nostre Seignor Saichent tuit que come descorz fut dou guiage et dou bounaige des finaiges de Juilly et de Senevoi je vuil et otroi que li guiage et li bounaiges des devans diz finaiges seent fait par les arbitres qui sunt aleu à ce faire ce est à savor par mun seignor Symon de Noidant et par mun seignor Ytier de Bernon chevaliers et par l'abbé de Moloimes qui est eluez au pardessus ou par autres que les parties eslirunt se cil qui sunt desus nommé ne se pooient acorder ou sil ne voloient ou ne pooient la chose délivrer et ce qui sera fait de ceste chose je tein à fait et agréable et por ce qui an sera fait vaille et teigne à toz jorz je hai saalées ces présentes letres de mun séaul Ce fu fait an l'an de Grâce MCCCCV ou mois de juignot