Charter Document - 02360613

Nos Miles sires de Noyers faisons savoir à toz ces qui verront ces letres que nos volons et otraions que Itiers de Bernon chevalier notre bailles et Roberz d'Ordon borjois de la Villenueve puissent anquerre de la droiture et de la saisine que l'abbes et li covant de Saint Germain d'Auceurre hont en la tierce do terrooir que l'an apele les Destroiz et an la tierce do champ Jedoit do champ Sarregot do champ à la Raine do champ Gilon la File à l'Asne des austres chans qui joignent à la Corvée au Prieux des prez qui sont desoz ces meismes chans do cens de Montavoir et de la Maison Macrie Ce fui fait l'an de l'incarnacion Notre Seignor mil et deu cenz sexantetrois ou mois de janvier Et ce asavoir à Molay à Arton à Richebourc à Annay à Montaut à Perrigni et es finages de ces devant dites viles [] Ordonnèrent que li prez et les lannes qui sunt dès la maison Perrin Boichart jusque au pont si comme la rivière se porte jusque au chief de l'escluse de sus lou molin de Molay [] Li Molin d'Annay doit XX soz de rante à Saint Germain Et les censives devant dites seront paiées lou diemonche après la Saint Remi à Annay devant lou moutier Ce fut fait en l'an de Notre Seigneur mil CC et LX et trois ou mois de janvier