Charter Document - 02360610
| Charter Number: | 02360610 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1263 |
| Date type: | Internal, A.D., Feast |
| Resource Link(s): |
|
Charter:
Nos frater Milo humilis prior Beate Marie de Karitate Cluniacensis ordinis notum facimus universis presentes litteras inspecturis quod compromissionem factam in peritos viros et providos Stephanum dictum Taste Saveur baillivium Senon Jacobum de Lingonis quondam prepositum Senon et Johannem dictum Monetarium castellanum Senon de quadam discordia que erat inter venerabiles patres Guillelmum Sancti Johannis Clementem Sancti Pauli Guillelmum Sancti Remigii abbates Senon priorem Beate Marie de Porta Sancti Leonis Senon magistrum et fratres Domus Dei Senon ex una parte et venerabiles viros decanum et capitulum Senon ex altera videlicet super ductu aque Venne in loco qui dicitur Bazeran approbamus laudamus pariter et acceptamus et eandem ex parte nostra volumus inviolabiliter observare In cujus rei testimonium sigillum nostrum presentibus duximus apponendum Datum in crastino Assumptionis Beate Marie Virginis anno Domini MCC sexagesimo tercio