Charter Document - 02360605
| Charter Number: | 02360605 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1262 |
| Date type: | Internal, A.D., Feast |
| Resource Link(s): |
|
Charter:
Excellentissimo domino suo Theobaldo Dei gratia illustrissimo regi Navarre Campanie et Brie comiti palatino frater Clemens Sancti Pauli Senon minister humilis salutem et orationes in Christo qui est omnium creaturarum conditor et salvator Ex pie devotionis affectu quem vos ad nos et ecclesiam nostram habere didicimus excellentie vestre notum facimus quod nos vobis et uxori vestre unam missam de Sancto Spiritu concedimus pro vobis et amicis vestris cotidie ab uno ex canonicis nostris in nostra ecclesia celebrandam Insuper vobis promittimus anniversarium illustris regis Theobaldi patris vestri et matris vestre et predecessorum vestrorum annis singulis in nostra ecclesia cum novem lectionibus celebrare et ad hoc faciendum nos et conventum nostrum obligamus quamdiu vixerimus Deo dante In cujus rei testimonium presentes litteras sigilli nostri munimine fecimus roborari Actum anno Domini MCCLX secundo in vigilia Penthecostes