Charter Document - 02360604

Nos Odo primogenitus ducis Burgundie comes Nivernensis et nos Matildis uxor ejus comitissa Nivernensis notum facimus universis presentibus pariter et futuris quod nos in augmentatione franchesie Burgensium nostrorum de Tornodoro damus et in perpetuum concedimus et quitamus ipsis burgensibus et eorum heredibus decimam nostram quam nobis et successoribus hactenus persolvere consueverunt de animalibus que ad admodiationem habebant ubicumque ea haberent que parva decima appellatur Statuimus etiam et concedimus quod viginti homines communitatis de Tornodoro a die festo natalis Beati Johannis Baptiste usque ad festum Beate Marie Magdalene sex probos homines anno quolibet possint eligere prout viderint faciendum qui sex electi libertatem communitatis dicte ville Tornodori et jura nostra per juramenta sua conservare et defendere tenebuntur Ita quod si prepositi vel servientes nostri aliquem vel aliquos communitatis dicte ville ceperint vel in prisionem miserint seu etiam gasiaverint iidem prepositi vel servientes ad requisitionem vel instantiam dictorum sex electorum aut quinque vel quatuor seu trium vel duorum ipsorum omnem et omnimodam recredentiam facere tenebuntur usque ad dies baillivi nostri vel alterius quem miserimus loco nostri De illis autem qui correctorii vinorum vocantur et de corchiis habendis vel de sola specula habenda loco corchiarum ordinabunt viginti dicte communitatis hoc anno presenti prout melius viderint expedire et nos illam ordinationem duraturam in futurum statuimus et in perpetuum valituram De furto de raptu et de homicidio non intendimus quod debeat fieri recredentia per sex electos vel per alterum eorumdem Has concessiones quictationes libertates et conventiones prout in his litteris et in aliis antecessorum nostrorum continentur volumus et bona fide concedimus dictis burgensibus et eorum heredibus esse salvas Que ut robur perpetue firmitatis obtineant presentibus litteris sigilla nostra duximus apponenda Datum anno Domini millesimo ducentesimo sexagesimo primo mense martio