Charter Document - 02360603
| Charter Number: | 02360603 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1261 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis magister Petrus officialis curie Senon in Domino salutem Notum facimus quod cum religiosi viri abbas et conventus Sancti Mariani Autissiod Premonstratensis ordinis vendidissent et tradidissent ad perpetuitatem religiosis viris abbati et conventui Sancti Pauli de Venna Senon ejusdem ordinis titulo legitime empcionis duos modios frumenti quos habebant et [consueverant] percipere annuatim in molendinis domini regis sitis Senonis super Vennam et quandam domum ipsorum sitam Senonis ante ecclesiam Sancti Benedicti cum ejus pertinentiis prout hec omnia in litteris dictorum abbatis et conventus Sancti Mariani sigillis sigillatis inter cetera vidimus contineri frater Johannes de Verone concanonicus ipsorum Sancti Mariani habens potestatem et speciale mandatum ab eisdem abbate et conventu Sancti Mariani pro ipsis et nomine ipsorum dictos abbatem et conventum Sancti Pauli in possessionem corporalem dictarum rerum mittendi et faciendi per nos induci prout similiter hec omnia inter cetera in litteris dictorum abbatis et conventus Sancti Mariani vidimus contineri coram nobis fratrem Clementem abbatem Sancti Pauli nomine suo et conventus sui nomine procuratoris dictorum abbatis et conventus Sancti Mariani et etiam pro se ipso et dicta domo et ejus pertinentiis investitivit et in vacuam possessionem induxit et dictis abbati et conventui dedit et contulit plenariam potestatem adeundi et intrandi alias res predictas et retinendi possessionem et proprietatem ipsarum In cujus rei testimonium presentibus litteris sigillum Senon curie apponendum Actum anno Domini millesimo ducentesimo sexagesimo primo die martis post festum Beati Martini hyemalis