Charter Document - 02360602

Omnibus presentes litteras inspecturis Johannes dominus Sellegniaci salutem in Domino sempiternam Noveritis quod ego Johannes attendens previdere casibus futuris et maxime utilitati seu indempnitati monasterii Pontiniaci dubitans non modicum ne post decessum meum bona que ad presens teneo seu possideo dividentur inter liberos meos in plures portiones propter hoc bona fide et ob favorem religiosorum virorum abbatis et conventus Pontiniaci volui et concessi et insuper me obligavi ad hoc necnon et Margaretam uxorem meam et heredes meos qui successive deberent vel possint michi succedere in futurum quod permutatio illa que subsequitur de possessionibus vel de rebus seu de reditibus inferius nominandis robur firmissimum obtineret que permutatio talis est quod dicti religiosi Pontiniaci de septem libris turon quas Daimbertus avus meus quondam dominus Sellegniaci assignavit sive assedit vel etiam legavit in testamento suo ecclesie et conventui S Marie Pontiniaci videlicet septem libras annuatim reddendas in censu de Sellegniaco et de locis ipsius Daimberti adjacentibus tunc temporis sub potestate et dominio ipsius Daimberti in festo Sancti Remigii de denariis qui primo redderentur de moneta de qua census erit et ille septem libre dabuntur et expendentur in die anniversarii dicti Daimberti prout continetur in quibusdam litteris que sic incipiunt Guillelmus Dei gratia Autissiod episcopus omnibus presentes litteras inspecturis salutem in Domino sempiternam [] et sic terminantur anno Domini MCCVII mense februario Item de quadraginta solidis annui redditus quos defunctus Stephanus pater meus quondam dominus Selleigniaci assignavit dictis abbati et conventui percipiendos singulis annis sine contradictione aliqua in die dominica post festum S Remigii in censiva Selligniaci pro quarta parte furni de Selligniaco quam Hermensendis de Chichiriaco quondam uxor Guillelmi militis de Nerone dederat dictis religiosis in perpetuam elemosinam prout continetur in quibusdam litteris que sic incipiunt Ego dominus de Selligniaco Stephanus [] et sic terminantur Actum anno Domini MCCXXXIII [] Et ob hoc volui et concessi et dicti religiosi ad hoc consenserunt quod ipsi perciperent et haberent et in manumortua tenerent et in perpetuum possiderent omnes exitus et proventus quos habebam in omnibus censu reditibus costuma terragio et aliis proventibus quos habebat et habere poterat jure hereditario in villa finagio et in parrochia de Montigniaco tam in blado vino denariis pane quam gallinis Johannes filius Guidonis dicti Haran militis defuncti de Blahagni que omnia emi ab ipso Johanne mihi et heredibus meis in perpetuum tenenda et possidenda et que omnia dictus Johannes filius dicti Guidonis tenebat a me in feodum et ego teneo dictas possessiones in allodium et sic promitto me et successores meos obligo ad hoc quod ipsi teneantur garantizare dictis religiosis dictum redditum annualem in dictis possessionibus seu proventibus ipsarum causa permutationis Que omnia loco dictarum septem librarum expendentur pro anniversario dicti Daimberti a dictis religiosis in perpetuum faciendo Et insuper ego Johannes dominus Sellegniaci obligo me ad hoc bona fide quod ego teneor dictis religiosis quamdiu vixero dictos redditus et exitus in dictis rebus seu possessionibus totaliter emptis a dicto Johanne garantizare defendere et tueri erga omnes pacifice et quiete Si vero contigerit quod absit quod dicti religiosi videlicet abbas et conventus Pontiniaci per dominum feodi vel per heredes aut successores ipsius impedirentur ita quod non possint dictum redditum sibi assignatum causa permutationis in locis predictis integre percipere pacifice et quiete ego Johannes miles dominus Selligniaci volui et concessi et ad hoc obligavi me et heredes seu successores meos quoscumque quod omnes predictas res et singulas teneor ipsis religiosis garantizare aut ipsi religiosi possent habere recursum ad priora loca videlicet ut percipiant dictas septem libras et quadraginta solidos in locis in quibus consueverunt primo percipere et habere Quod autem conventiones iste vel promissiones robur firmitatis obtineant presentes litteras sigilli mei caractere duxi roborandas Huic autem concessioni seu permutationi ego Margareta nobilis mulier domina Melligniaci consensi et ipsam permutationem concessionemve volui laudavi et etiam approbavi voluntate spontanea non coacta nec in aliquo super hoc circumventa et quia sigillum non habeo sigillum venerabilis viri R decani S Florentini una cum sigillo domini mei presentibus litteris feci apponi Actum anno Domini MCCLXI mense augusto