Charter Document - 02360599
| Charter Number: | 02360599 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Discharge |
| Date: | 1260 - 1261 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis G divina miseratione episcopus Autissiod salutem in Domino Notum facimus quod nos executores testamenti charissimi genitoris nostri domini Guillelmi de Melloto quondam domini S Prisci militis assedimus et assignavimus ecclesie Beate Marie de Pontigniaco in perpetuam elemosinam de voluntate et assensu dilecti nepotis nostri Drogonis de Melloto domini S Prisci viginti libras turon annui redditus videlicet pro anniversario predicti genitoris nostri decem libras turon pro anniversario charissime matris nostre quondam uxoris ejusdem centum solidos turon et pro anniversario charissimi patrui nostri domini Drogonis de Melloto quondam domini Lochiarum centum solidos turon percipiendos annis singulis ad festum Purificationis B Virginis super preposituram de S Prisco ita quod quicumque erit prepositus de S Prisco dictas viginti libras annis singulis solvere tenebitur de prepositura predicta et si propositura non sufficeret dictus Drogo vel quicumque erit dominus S Prisci de aliis reditibus suis defectum supplere tenebitur integraliter et perfecte Voluit etiam dictus Drogo nepos noster et in hoc consensit expresse quod si ipse vel prepositus suus de S Prisco seu ille qui dictam preposituram teneret in premissis vel aliquo premissorum deficerent nos et successores nostri episcopi Autissiod necnon et officialis Autissiod in personas ipsorum excommunicationis et in villam de S Prisco interdicti possimus sententias promulgare et se ac heredes suos seu successores quoslibet quantum ad predicta tenenda ad implenda et in perpetuum firmiter observanda specialiter obligavit Tenentur autem monachi Pontiniac anniversaria predictorum in ecclesia sua facere solemniter anno quolibet terminis quibus predicti defuncti ex hoc seculo migraverunt In cujus rei testimonium ad petitionem dicti Drogonis nepotis nostri sigillum nostrum una cum sigillo ipsius Drogonis presentibus litteris duximus apponendum Actum anno Domini MCCLX mense martio