Charter Document - 02360597
| Charter Number: | 02360597 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Recognition |
| Date: | 1260 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis magister Laurentius officialis curie archid Senon in Domino salutem Notum facimus quod in nostra presencia constitutus Girardus dictus Barrauz de Sociaco recognovit quod ipse malo ductus consilio a dominio et justicia decani et capituli Senon recesserat et sub alio dominio seu justicia se transtulerat scilicet sub dominio regis apud Villam Novam quod facere non poterat nec debebat ut dicebat cum ipse esset homo ipsorum decani et capituli pro medietate ex parte matris et quod ipse de bonorum consilio sub eorumdem decani et capituli dominio tanquam homo ipsorum pro medietate reversus erat et eisdem emendaverat hoc quod ab eorum dominio et justicia indebite recesserat et se et bona sua supposuerat quantum ad hoc voluntati dictorum decani et capituli Et promisit idem Girardus per juramentum suum coram nobis prestitum quod de cetero non recedet a dominio et justicia ipsorum decani et capituli Volens et concedens quod si de cetero a predicto dominio et justicia ipsorum decani et capituli recesserit et alium dominium fecerit quod ipsi decanus et capitulum ad omnia bona mobilia et immobilia dicti Girardi possint libere assignare et de eis tanquam de suis propriis suam facere voluntatem Hoc tamen salvo dicto Girardo quod si contigerit ipsum partiri et devenire in partem domini regis quod tunc possit facere dominum quodcunque voluerit et sibi viderit expedire Datum anno Domini MCC sexagesimo die martis post festum Beate Marie Magdalene