Charter Document - 02360594
| Charter Number: | 02360594 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Foundation |
| Date: | 1260 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis G divina miseratione Autissiod episcopus salutem in Domino Notum facimus quod nos executores testamenti karissimi genitoris domini Guillelmi de Melloto quondam domini Sancti Prisci militis assedimus et assignavimus monachis Sancti Germani Autissiod sexaginta solidos tur annui redditus pro anniversario dicti domini Guillelmi genitoris nostri percipiendos et habendos annis singulis ad festum Purificationis Beate Marie super preposituram de Sancto Prisco ita quod quicumque erit prepositus de Sancto Prisco dictos sexaginta solidos annis singulis solvere tenebitur de prepositura predicta et de reditibus ad dictam preposituram pertinentibus Et si prepositura non sufficeret dilectus nepos noster Droco de Melloto nunc dominus Sancti Prisci de cujus voluntate et assensu fecimus assignationem et assentionem predictas vel quicumque erit dominus Sancti Prisci de aliis reditibus suis defectum suplere tenebitur integraliter et perfecte Voluit etiam dictus Droco nepos noster et in hoc consensit expresse quod si ipse vel prepositus suus de Sancto Prisco vel ipse qui dictam preposituram teneret in premissis vel aliquo premissorum deficerent nos et successores nostri episcopi Autissiod et eorum officiales in personas ipsorum excommunicationis et in villa de Sancto Prisco interdicti sententias promulgare possimus et se ac heredes suos seu successores quaslibet quantum ad predicta tenenda adimplenda et in perpetuum firmiter observanda specialiter obligavit Tenentur autem predicti monachi anniversarium dicti defuncti Guillelmi in ecclesia sua sollempniter celebrare anno quolibet quo predictus defunctus ex hoc seculo migravit In cujus rei testimonium ad petitionem dicti Droconis nepotis nostri sigillum nostrum una cum sigillo suo presentibus litteris duximus apponendum Datum anno Domini MCC sexagesimo mense aprili