Charter Document - 02360592
| Charter Number: | 02360592 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1259 - 1260 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Stephanus dictus Tate Saveur baillivius Senon in Domino salutem Notum facimus quod in nostra presentia constituti vir religiosus abbas Sancti Remigii Senon pro se et conventu suo Stephanus dictus Moursez Dyonisius dictus Angelez et Regnardus dictus Gaidous pro hominibus ville de Eschegiis procuratoris habentes potestatem et mandatum speciale ab ipsis hominibus recognoscendi ea que inferius sunt notata videlicet dictus abbas pro se et conventu suo et dicti Stephanus Dyonisius et Regnardus procuratores pro ipsis hominibus recognoverunt coram nobis quod cum querela inter ipsos religiosos et alios dominos dicte ville ex una parte et dictos homines ex altera verteretur super hoc quod ipsi religiosi et dicti alii domini dicte ville petebant ab unoquoque dictorum hominum et ab heredibus eorumdem quocienscunque uxores ducebant unum ferculum in valore trium solidorum quod ipsi de dicta querela seu contentione pacificaverunt in hunc modum quod quilibet dictorum hominum et heredum ipsorum quocienscunque aliquem dictorum hominum aut aliquem de suis heredibus contingerit matrimonialiter copulari solvent ipsis religiosis et ipsis dominis decem et octo denarios turon pro ferculo supradicto quamdiu erunt morantes seu manentes in villa de Eschegiis supradicta In cujus rei testimonium et munimen presentibus litteris sigillum nostrum ad petitionem dictarum partium duximus apponendum Datum die dominica qua cantatur isti sunt dies anno Domini MCCL nono