Charter Document - 02360583

Nous Hugues dux de Bourgoigne fesons savoir à touz ceus qui ces letres verront que nous les convenances del mariage que notre chier fiuz Odes cuens de Nevers et sire de Bourbon ha fetes à notre haut seigneur Loys par la grâce de Deu rois de France de mon seigneur Jehan son fiuz et de Yolent l'ainznée fille au devant dit conte de Nevers volons et otréons et les prometons à tenir et à garder tant comme en nous sera toutes ainsi comme eles sont contenues es letres que li devant dit rois notre sires ha seelées du sael au devant dit conte de Nevers Et el tesmoing de ceste chose nos avons ces presentes lettres saelées de notre sael Ce fu fet en l'an de Notre Seigneur MCC et LVIII el mois de juing le samedi devant la feste saint Barnabé l'apostre