Charter Document - 02360581
| Charter Number: | 02360581 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Arbitration |
| Date: | 1258 |
| Date type: | Internal, A.D. |
| Resource Link(s): |
|
Charter:
Ego Johannes dominus Selliniaci notum facio universis presentes litteras inspecturis quod cum inter religiosos viros abbatem et conventum Pontiniac ex una parte et universos nobiles de Boolliaco tam viros quam mulieres videlicet dominum Milonem dominum Iterium milites dominum Guidonem presbyterum fratres Isabellam relictam Tierrici dicti Chandoseau militis et ejus liberos dominam Margaritam relictam Iterii dicti Gavart militis et ejus filiam ex altera discordia verteretur super quadam petia terre sita prope Creciacum in loco qui vocatur Chambertaut quam petiam terre dictis abbati et conventui de prato ipsorum de Chambertaut subtraxerat per ablutionem aqua de Hermancon impetu cursus sui et postea dicta aqua biezio veteri derelicto per alium locum cursum dirigens dictam terre petiam eisdem Pontiniac per interruptionem reddiderat ut dicebant propter quam causam iidem abbas et conventus asserebant eandem terre petiam suam esse predicti vero nobiles dicebant e contra seipsos in predicta terre petia jus habere Tandem de bonorum virorum consilio inter dictas partes in presentia mea super dicta discordia amicabilis compositio intercessit ita quod predicta petia terre videlicet quicquid inter novum et vetus biezium continetur cum ipso biezio remansit ipsis Pontiniac jure perpetuo possidendum [] Ego vero predictus J dominus Selleniaci predictam compositionem volui et etiam approbavi et in hujus rei perpetuum testimonium et munimen ad petitionem dictarum partium presentes litteras sigilli mei appositione munivi Actum anno Domini MCC quinquagesimo octavo mense aprili