Charter Document - 02360580

Universis presentes litteras inspecturis Guido Dei gratia episcopus Lingonensis salutem in Domino Noverit universitas vestra quod constituti in presentia nostra Jacobus dictus Codecarte Colinus dictus Parise Alietus dictus Alies Poncius clericus Matheus ejus filius Radulphus dictus Asinus Petrus dictus de Cheu Hugo Gontiers Adam Dotiarius Guido Bouchars Stephanus dictus Plungars Johannes de Barro Stephanus Liberias Robinus Sauge Robertus de Caissi Jacobus dictus Johans Filisetus Dotiarius Stephanus Ranvoisiez Hugo dictus Maces Bartholomeus Milon Simon Jarrun Germanus Cremaille Radulphus Peteten Jacobus de Barro Guido Malnorri Gilo Guspoil Moninus dictus Chenums Arnulphus Cuscedalis Girardus Gauderis Guillelmus de Bierne Guiotus Jarruns Seguinus Sarriers Guillelmus Coars Guillelmus Sobruichen Petrus Sobruichen Johannetus de Chichiau Gilo Libruns Ansericus Domino et Michael Charretuns burgenses et habitatores sive homines de villa Chableiarum non vi nec dolo ducti sed propria spontanea et libera voluntate pro se et universis et singulis burgensibus hominibus et habitatoribus predicte ville Chableiarum quos negocium manus mortue contigit renuntiantes expresse exceptioni doli vel fraudis actionis dividende et omni alii exceptioni et beneficio juris que et quod posset eis competere in hac parte sacrosanctis evangeliis corporaliter tactis juraverunt et promiserunt se reddituros pagaturos et integraliter soluturos venerabilibus viris decano et capitulo ecclesie Beati Martini Turonensis ac preposito Chableiarum in eadem ecclesia vel eorum certo nuncio sive procuratori hinc ad sex annos proximo venturos apud Pruvinium tria millia et ducentas libras bonorum legalium et computabilium Turonis in terminis inferius declaratis videlicet in proximis nundinis Sancti Angulphi Pruvinensis octo diebus ante rectum pagamentum apud Pruvinium ducentas et quinquagenta libras et apud Autissiodorum ducentas et quinquagenta libras de predictis tribus millibus et ducentis libris que pro duobus annis preteritis ratione predicte manus mortue preposito et firmario Chableiarum debentur et centum libras Turonenses pro anno presenti et deinde in antea singulis annis in eisdem locis et nundinis quingentas libras usque sex annos pro ea videlicet ratione et occasione quod decanus capitulum et prepositus predicti jus sive conditionem que manus mortua nuncupatur remiserunt cesserunt et concesserunt supradictis burgensibus hominibus habitatoribus et heredibus eorumdem prout in litteris dictorum decani capituli et prepositi dicitur contineri promiserunt et se soluturos et reddituros preposito et firmario Chableiarum qui modo sunt vel qui pro tempore fuerint aut eorum nunciis vel procuratoribus usque ad sex annos predictos singulis annis centum libras bonorum legalium et computabilium Turonis locis et nundinis predictis ratione manusmortue supradicte proviso quod si ante sex annos predictos summa predicta trium millium librarum integraliter fuerit persoluta ex tunc in antea dictas centum libras solvere minime tenebuntur dummodo preposito et firmario supradictis de centum libris pro anno illo in quo totalis solutio trium millium librarum fiet plene fuerit satisfactum Insuper burgenses et habitatores prefati omnes et singuli ac quilibet eorum in solidum et pro se constituerunt se fide jussores et principales debitores et pagatores predictarum pecunie quantitatum ita quod si in solutione defecerint aut et omnia et singula non observarent sicut superius est expressum promiserunt solvere pro quolibet termino in quo in solutione defecerint centum libras turonenses interesse Et promiserunt predicta omnia et singula procurare attendere implere et observare et contra non venire vel facere sub virtute prestiti juramenti et sub pena centum librarum tur que totiens posset peti et exegi per predictos decanum capitulum prepositum et firmarium ab eisdem burgensibus et hominibus omnibus [] Datum anno Domini MCC quinquagesimo septimo in vigilia beati Gregorii pape mense martio