Charter Document - 02360579
| Charter Number: | 02360579 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1257 - 1258 |
| Date type: | Internal, A.D. |
| Resource Link(s): |
|
Charter:
Ego Guido armiger dominus de Chanloto notum facio presentibus et futuris quod dedi et concessi viris religiosis abbati et conventui Deiloci commune pasturagium in territorio meo de Mersiaco et de Chanloto sicuti homines mei de predictis villis habent exceptis nemoribus vineis meis ad opus animalium suorum grangia sua de Thoriaco commorantium conditione tali apposita quod si dicta animalia in forefacto fuerint inventa animalia nunc capientur set servientes et dicti abbas et conventus ad dampnum restituendum per estimationem bonorum virorum in predictis villis commorantium reddere tenebuntur et servientes ad forefactum Et de captione dictorum animalium credetur servienti domini jurato per juramentum suum Et si forte contigerit dictam grangiam de Thoriaco extra manum dicti abbatis et conventus ponere illi qui in dicta grangia morabuntur predictas conventiones observare tenebuntur Teneor insuper ego Guido istam donationem et concessionem sic factam garantizare erga omnes Et obligo me et heredes meos ad ipsam imperpetuum conservandam et exinde facere dictis abbati et conventui litteras istis consimilibus sigillo meo sigillatas quando me contigerit esse militem et etiam litteras curie Senonensis Hec omnia voluit et concessit nobilis mulier Helixandis uxor mea promittens quod contra istam donationem et concessionem per se vel per alium non veniet in futurum Pro istis vero donatione et concessione ego Guido habui quadraginta libras turonenses et centum oves de quibus omnibus me teneo pro pagato Quod ut ratum sit et firmum sigillum meum presentibus litteris apponi dignum duxi Actum anno Gracie MCCL septimo mense februario