Charter Document - 02360578

Omnibus presentes litteras inspecturis Guillelmus comes Jovigniaci salutem in Domino Notum facimus quod charissimus dominus noster Theobaldus Dei gratia rex Navarre Campanie et Brie comes palatinus ad petitionem et supplicationem nostram litteras sub forma que sequitur sigillari precepit Theobaldus Dei gratia rex Navarre Campanie et Brie comes palatinus universis presentes litteras inspecturis salutem in Domino Noverint universi quod cum dilectus et fidelis noster Guillelmus comes Jovigniaci Isabellim quondam filiam Guillelmi de Meloto militis vellet ducere in uxorem ut desiderium suum super hoc citius duceretur et facilius ad effectum in nostra presentia propter hoc specialiter constitutus venerabili patri Guidoni Altissiod episcopo patruo ejusdem Isabellis et tutori ipsius legitimo nomine ejusdem Isabellis et ad ejus utilitatem stipulanti per legitimam stipulationem promisit quod quando tres filie ipsius comitis videlicet Isabellis Joanna et Agnes quas suscepit ex nobili muliere Agnete quondam uxore ipsius comitis seu unaque que earum etatem duodecim annorum compleverit procurabit et faciet idem comes quod dicte filie quittabunt et renunciabunt seu dimittent totam terram sive hereditatem aut successionem que ex parte dicti comitis patris ipsarum vel Joannis filii ipsius comitis fratris earumdem ad ipsas ex hereditate paterna sive fraterna provenientem ex parte patris modo aliquo posset vel contingeret devenire et quod etiam procurabit et faciet ipsas filias prestare corporaliter juramentum et pactum facere cum dicto episcopo quod in dicta hereditate seu successione tam paterna quam fraterna obveniente dicto filio ex parte patris per se vel per alium seu alios ratione aliqua nihil de cetero reclamabunt sive contigerit dictum comitem patrem ipsarum super vivere dicto fratri earumdem sive idem frater supervixerit patri si ipsis filiabus superstitibus vel aliqua ipsarum superstite eumdem filium mori contingeret et quod contra predicta vel aliquod predictorum per se vel per alium non venient ratione aliqua in futurum et quod super premissis omnibus et singulis procurabit et faciet idem comes confici litteras unam vel plures sub forma qua voluerit dictus episcopus in quibus litteris dicte filie et una queque ipsarum se postquam duodecimum annum compleverint obligabunt ad predicta omnia facienda et observanda per juramentum ab ipsis filiabus corporaliter prestitum Que littere sigillabuntur sigillis tam nostro quam comitis Nivernensis et aliorum etiam dominorum de quorum feodo movet hereditas dicti comitis Jovigniaci ac etiam sigillis illorum prelatorum sub quorum jurisdictione est hereditas dicti comitis et sub quorum jurisdictione consistent filie predicte ita quod tam per excommunicationem in personas et per interdictum in terram possint compelli ad predicta observanda Promisit insuper idem comes Jovigniaci dicto episcopo legitime stipulanti quod si infra mensem postquam primogenita dictarum filiarum duodecimum annum compleverit predicta omnia a dicta primogenita non faceret penitus adimpleri et a secunda genita similiter et similiter a tertia eadem non faceret infra mensem postquam duodecim annos compleverint ipse comes Jovigniaci nomine pene sex millia marcarum argenti dicto episcopo legitime stipulanti daret et solveret [] Et nos ea omnia et singula que pre fatus comes a nobis fieri voluit et concessit promittimus ad petitionem sive requisitionem dicti episcopi vel ejus mandati vel propinquioris dicte Isabellis de genere ipsius ipsam ex parte patris vel ex parte matris attingentis vel si propinquiori vel propinquiores hoc non peterent ad requisitionem cujuslibet alterius de genere ipsius Isabellis presentes litteras vel litteras dicti comitis Jovigniaci super dictis conventionibus confectas secum deferentis nos facturos Et ad hec nos et heredes nostros esse volumus obligatos Voluerunt etiam prefati episcopus et comes Jovigniaci et in hoc consenserunt expresse quod si dictum comitem mori contingeret nullis liberis uno vel pluribus ex prefata Isabelli relictis seu dicta Isabella non pregnante predicte filie ad hereditatem dicti comitis venire valeant et eidem legitime succedere salvo tamen dicte Isabellis dotalitio sive donatione propter nuptias sibi secundum conventionem super hoc habitam competente quod dotalitium tale est videlicet castrum Colengiarum Vinosarum et domus forteritie sive forteritie ejusdem castri et medietas totius terre predicti comitatus ubicumque habeatur de capite ejusdem comitis moventis In quorum omnium memoriam testimonium et munimen sigillum nostrum ad petitionem dicti comitis Jovigniaci presentibus litteris duximus apponendum Datum et actum anno Domini millesimo ducentesimo quinquagesimo septimo die jovis in octava Omnium Sanctorum Nos autem comes Jovigniaci promittimus nos servaturos indemnem predictis ad quas implendas dominus rex idem se ad petitionem nostram obligavit sicut superius est expressum et promittimus nos eidem domino regi reddituros dampna et expensas si que vel quas ipsum propter hoc facere vel incurrere contingeret vel ejus heredes de quibus damnis et expensis teneremur credere ejusdem domini regis et heredes ejus simplici verbo et volumus quod propter hoc dominus rex idem ad res nostra et heredum nostrorum assignare possit sine aliqua contradictione et sine me facere In cujus rei testimonium presentes litteras fecimus sigilli nostri munimine sigillari Datum anno Domini millesimo ducentesimo LVII die jovis in octava Omnium Sanctorum