Charter Document - 02360576
| Charter Number: | 02360576 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1257 |
| Date type: | Internal, A.D. |
| Resource Link(s): |
|
Charter:
Ego Guillermus de Barris miles notum facio omnibus presentes litteras inspecturis quod ego laudavi volui in perpetuum et concessi donum quod fecerunt in perpetuum Drianus de Bordis de Dimonte et Aalaisis uxor sua Capelle de Bordis de Dimonte et presbitero illius capelle videlicet de viginti arpentis ad arpentum domini regis tam terrarum quam vinearum sitarum in valle de dicta capella contiguantium ex una parte terris Johannis de Bordis clerici et terris Guillermi de Senonis et vinee Biergie sororis dicti Driani ex alia et vie de Cerisariis ex alia parte Et promisi per fidem meam quod ego contra donum predictum et contra concessionem et laudationem predictas non veniem per me vel per alios in futurum salvis tamen michi et mei heredibus de premissis terra et vinea terragio et censu et jure ad censum et ad terragium predicta pertinente Quod ut ratum et firmum permaneat presentes litteras feci sigilli mei munimine roborari Actum anno Domini MCC quinquagesimo septimo mense octobri